GÖRKƏMLİ SİYASİ XADİM, DÖYÜŞÇÜ, ŞAİR: Y.ZƏLİMXAN... - - Firuz Mustafa yazır..

GÖRKƏMLİ SİYASİ XADİM, DÖYÜŞÇÜ, ŞAİR: Y.ZƏLİMXAN... - Firuz Mustafa yazır..

Dünya ictimaiyyəti Zəlimxan Yandarbiyevi Dudayevdən sonra Çeçenistan Respublikasının prezidenti missiyasını yerinə yetirən görkəmli siyasi xadim kimi tanıyır. O, geniş oxucu auditoriyasına həm də cəsur döyüşçü, mərd sərkərdə kimi tanışdır. Öz vətənində isə Zəlimxan bir şair və dramaturq kimi daha məşhurdur. O, özünü əsl şərqli saysa da, Şərqdəki bəzi “söz bülbülləri” kimi mədhiyyə yazan, yalançı pafosla dolu qafiyələrdazlıq edən şairlərdən deyildir. Onun misraları da atdığı güllə kimi sərrastdır, hədəfə dəyəndir. Y.Zəlimxanın pyesləri Qroznıda tamaşaya qoyulmuş, şeir və nəsr kitabıları çap olunmuşdur. 1988-ci ildə Moskvada “Sovremennik” nəşriyyatında dərc olunan məcmuədə onun “Sevirəm Qafqazı mən” adlı silsilə şeirləri dərc edilmiş, həmin poetik nümunələr oxucular tərəfindən maraqla qarşılanmışdır.
Zəlimxan Yandarbiyevin şeirlərindən birini öz tərcüməmdə oxuculara təqdim edirəm:

 

MƏNİM RİYAZİYYATIM


Sınaqdan keçirək –
biz belə edək;
əgər hər birimiz hər bir adama
hər gün xoş söz desə tək bircə kəlmə
və yaxud yaxşılıq etsə bir damla
bir ilin ərzində 365 (6)
xoş söz və xoş əməl cəmlənə bilər.
Gəlin bu rəqəmi artıraq indi
beş milyard dəfə -
görün bir nə boyda səadət olar!

 

Deyirəm qəti:
heç bir nəhəng silah dağıda bilməz
insanlar yaradan o səadəti.
Bəlkə bir sınaqdan keçirək bunu?!
“MAARİFÇİ” qəzet, 12 fevral 1997-ci il

 

p.s. Bu yazı qələmə alınarkən Zəlimxan Yandarbiyev sağ idi.

Zəlimxan Əbdülmüslüm oğlu Yandarbiyev (1952-2004) 1996-1997-ci illərdə Çeçenistanda Prezidentin səlahiyyətlərini icra etmişdir. O, dəfələrlə rus ordusuna qarşı döyüş əməliyyatlarında iştirak etmiş, İnterpol tərəfindən terrorist kimi axtarışa verilmişdir.
Yandarbiyev hələ gənc yaşlarından antisovet şeirlər müəllifi kimi məşhur idi. 

 

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

 

 

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !