Aspirin istifadə edən uşaqlar qripə yoluxarsa... - Pediatrdan XƏBƏRDARLIQ VİDEO

“Aspirin istifadə edən uşaqlar qripə yoluxarsa...” Pediatrdan XƏBƏRDARLIQ VİDEO

Pediatr Əli Quliyev influenza qripinə daha çox quşlar və insanlarda rast gəlindiyini qeyd edib.
O, 6 ayından sonra hər kəsin peyvənd etdirməli olduğunu bildirib.
“Aspirin istifadə edən uşaqlar qripə yoluxarsa, onlarda ciddi qaraciyər və beyin problemləri yarana bilər. 8 yaşdan aşağı uşaqlara daha az dozalı peyvənd vurulur. İlk dəfə yarım doza, bir ay sonra yenidən yarım doza peyvənd vurulur. Ondan sonrakı illərdə tək doza kifayət edir. Qrip peyvəndi ömürlük immunitet yaratmır. Bu mikrob hər il özünü yeniləyir. Odur ki, bu il vurulan peyvənd gələn il sizi xəstəlikdən qorumayacaq.
Bu gün dünyada qrip infeksiyasının xüsusi müalicəsi yoxdur. Virusdan qorunmağın yeganə yolu peyvənddir. Xüsusi risk qrupuna aid olan insanlara peyvənd mütləq şəkildə vurulmalıdır. Bu qrupa 65 yaşdan yuxarı insanlar, 5 yaşdan kiçik uşaqlar, ürək, diabet və xroniki xəstəlikləri olanlar daxildir”, - həkim əlavə edib. publika.az 

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !