YARAT Müasir İncəsənət Məkanında “İstedad Mərkəzi”nin konserti keçiriləcək -

YARAT Müasir İncəsənət Məkanında “İstedad Mərkəzi”nin konserti keçiriləcək

Bakı şəhər Mədəniyyət və Turizm İdarəsinin nəzdində istedadlı uşaq və gənclər üçün "İstedad Mərkəzi" fəaliyyət göstərir. Mərkəzə respublikanın xalq artisti, Bakı Musiqi Akademiyasının professoru Zəhra Quliyeva rəhbərlik edir.

Paytaxtın müxtəlif konsert salonlarında mütəmadi olaraq mərkəzin gənc istedadlarının konsertləri təşkil edilir.

16 mart 2016-cı il tarixində saat 19:00-da YARAT Müasir İncəsənət Məkanında "İstedad Mərkəzi”nin Novruz bayramına həsr olunmuş konserti keçiriləcək. Konsertdə gənc xalq çalğı alətləri ifaçıları və xanəndələr iştirak edəcəklər.