Qoca kloun Trabzona gedir - FOTO

“Qoca kloun” Trabzona gedir FOTO

Azərbaycan Dövlət Gənc Tamaşaçılar Teatrı beynəlxalq teatr festivalında iştirak etmək üçün dəvət alıb. 2-15 may tarixlərində Türkiyənin Trabzon şəhərində keçiriləcək XVII Qara dəniz ölkələri Beynəlxalq Teatr Festivalında iştirak etmək üçün kollektiv səfərə hazırlaşır. Teatr festivalda ölkəmizi məşhur Rumın dramaturqu Matey Vişnekin “Qoca kloun” tamaşası ilə təmsil edəcək.
Fetivalda iştirak etmək üçün yaradıcı kollektiv teatrın direktoru Əməkdar İncəsənət Xadimi Mübariz Həmidovun rəhbərliyi ilə aprel ayının 27-də Türkiyənin Trabzon şəhərinə yola düşəcək. 2 may tarixində festivalın təntənəli açılış mərasimi, 3 may tarixində Trabzon Dövlət Teatrının Haluk Ongan səhnəsində “Qoca kloun” tamaşası Beynəlxalq Münsiflər heyətinə təqdim olunacaq.
Quruluşçu rejissoru Əməkdar Artist Nicat Kazımov olan tamaşada rejissorla yanaşı gənc və istedadlı aktyorlar Vüsal Mehrəliyev, Manaf Dadaşov və Müşfiq Əliyev eyni səhnəni paylaşırlar. İkihissəli tragikomediya janrında olan tamaşa yaşlı aktyor-klounların həyatını, onların faciəli talelərini əks etdirir.
Məlumat üçün bildirək ki, hər il ənənəvi keçirilən festivalda Türkiyənin məşhur teatr kollektivləri ilə yanaşı, dünyanın bir çox ölkələrinin ən nüfuzlu teatrları iştirak edirlər.
Səfər müddətində teatrın rəhbəri Mübariz Həmidovun bir neçə xarici ölkə teatr rəhbərləri ilə görüşləri də nəzərdə tutulub.
 

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !