Şimal bölgəsinin 2 mindən çox məzunu biliyini Xaçmaz şəhərində yaradılan imtahan mərkəzlərində sınayıb - FOTO

Şimal bölgəsinin 2 mindən çox məzunu biliyini Xaçmaz şəhərində yaradılan imtahan mərkəzlərində sınayıb FOTO

İyulun 5-də Tələbə Qəbulu üzrə Dövlət Komissiyası (TQDK) tərəfindən təşkil olunan imtahanlarda iştirak edən şimal bölgəsinin məzunları biliklərini Xaçmaz şəhərində yaradılan imtahan mərkəzlərində sınayıb.

AZƏRTAC xəbər verir ki, beş mərkəzdə keçirilən imtahanlara Xaçmazla yanaşı Quba, Qusar və Şabrandan olan ümumilikdə 2 min 198 məzun iştirak edib.

İmtahanlarda ali təhsil müəssisələrinin V ixtisas qrupuna (xüsusi qabiliyyət tələb edən ixtisaslara), həmçinin tam orta və ümumi orta təhsil bazasında orta ixtisas təhsili müəssisələrinə (kolleclərə) sənəd verən əvvəlki illərin məzunları, eləcə də eksternat qaydasında attestasiyada iştirak etmək üçün qeydiyyatdan keçmiş və üzrlü səbəbdən buraxılış imtahanlarında iştirak edə bilməyən cari ilin məzunu olan IX və XI sinif şagirdləri qatılıblar.

İmtahanlara 10 rəhbər və 211 nəzarətçi müəllim cəlb olunub. Mərkəzlərdə şagirdlərin biliklərini sərbəst şəkildə nümayiş etdirmələri üçün hər bir şərait yaradılıb. Təhlükəsizliyin təminatı məqsədilə imtahan keçirilən binalara polis və Fövqəladə Hallar Nazirliyinin Dövlət Yanğından Mühafizə Xidmətinin əməkdaşları, tibb işçiləri cəlb olunub.

 

***

 

 

Şəki və Mingəçevir şəhərlərində keçirilən qəbul və attestasiya imtahanları başa çatıb

 


Tələbə Qəbulu üzrə Dövlət Komissiyasının (TQDK) iyulun 5-də qurumun Şəki regional bölməsinin əhatə etdiyi Şəki və Mingəçevir şəhərlərində keçirdiyi qəbul və attestasiya imtahanları uğurla başa çatıb.

AZƏRTAC xəbər verir ki, imtahanlarda ali təhsil müəssisələrinin V ixtisas qrupuna (xüsusi qabiliyyət tələb edən ixtisaslara), habelə tam (11 illik) və ümumi (9 illik) orta təhsil bazalarında orta ixtisas təhsil müəssisələrinə (kolleclərə) sənəd vermiş əvvəlki illərin məzunları, eləcə də eksternat qaydasında attestasiyada iştirak etmək üçün qeydiyyatdan keçmiş və üzrlü səbəbdən buraxılış imtahanlarında iştirak edə bilməyən cari ilin məzunu olan IX və XI sinif şagirdləri qatılıblar.

İmtahanların keçirilməsi üçün Şəki və Mingəçevir şəhərlərinin hər birində 5 imtahan mərkəzi ayrılıb.

Şəki şəhərində imtahanlar 8, 12, 14, 20 nömrəli tam orta məktəblərdə, həmçinin fizika-riyaziyyat və humanitar təmayüllü liseydə təşkil olunub. İmtahanlarda ümumilikdə 2189 məzun və şagirdin iştirakı nəzərdə tutulub. İmtahanların idarə olunmasına 15 imtahan rəhbəri və 180 nəzarətçi müəllim, həmçinin 18 nəfər ehtiyat nəzarətçi ayrılıb.

AZƏRTAC-ın müxbiri Şəki şəhərindəki 12 nömrəli tam orta məktəbdə keçirilən imtahanın gedişi ilə maraqlanıb. Məktəbdə imtahan təlimata uyğun olaraq saat 10.00-da başlanıb. İmtahan rəhbəri Könül Baxşəliyevanın bildirdiyinə görə, imtahan prosesində heç bir qanun pozuntusu qeydə alınmayıb.

Mingəçevir şəhərində isə imtahanlar Mingəçevir Dövlət Universitetində, 4 və 18 nömrəli tam orta məktəblərdə, texniki-humanitar, təbiət-riyaziyyat və humanitar liseylərdə keçirilib. İmtahanlarda ümumilikdə 2266 məzun və şagirdin iştirakı nəzərdə tutulub. İmtahanların idarə olunmasına 19 imtahan rəhbəri və 192 nəzarətçi müəllim ayrılıb.

TQDK-nın Şəki regional bölməsinin müdiri Səbuhi Hüseynovun verdiyi məlumata görə, imtahanlar mövcud təlimata uyğun aparılıb, heç bir qanun pozuntusuna yol verilmədən müəyyən olunmuş vaxtda başa çatıb. 

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !