Mingəçevir Dövlət Dram teatrında yeni uşaq tamaşası hazırlanır -

Mingəçevir Dövlət Dram teatrında yeni uşaq tamaşası hazırlanır

Mədəniyyət və Turizm Nazirliyinin təyinatı ilə, Qazax Dövlət Dram Teatrının baş rejissoru Musa Eyyubov Mingəçevir Dövlət Dram teatrında yeni uşaq tamaşası hazırlayır.

 

Şair dramaturq İsgəndər Coşqunun qələmə aldığı “Çal oyna” alleqorik janrda yazılmış mənzum nağıl-pyesdir. Müəllif heyvanların dili ilə hiyləyə, yalana nifrət, zəhmətə, düzlüyə, etibara və əməyə rəğbət aşılayır.Müəllif tərəfindən göstərilən bu problemlər quruluşçu rejissor Musa Eyyubov tərəfindən tamaşada daha da qabardılır.

 

Tamaşada balaca tamaşaçıları dostluqda möhkəm olmağa, hər bir işdə düz olmağa, əməyə, zəhmətə hörmətlə yanaşmağa çağırır. Çünki hər bir işin açarı düzlükdür, hər bir müvəffəqiyyətin rəhni əməkdir, zəhmətdir.

 

                                                                             Rollarda:

Ana dovşan                                                                       -Afət Əliyeva, Ruhəngiz Abdullayeva

Balaca dovşan                                                                 -Fəridə Məmmədova, Aytən Allahverdiyeva

Tülkü                                                                                  -Ceyhun Əhmədov, Turqut Məsimli

Keçi                                                                                    -Amil Fərzəliyev, Elvin Əkbərli

Ceyran                                                                               -Nargilə Abdullayeva

 

 

                                                                           Yaradıcı heyət:

Səhnə tərtibatı                                                                  -Rafael Həşimov (əməkdar rəssam)

Musiqi tərtibatı                                                                  -Elnur Rəsulov

Rejissor assistenti                                                           - Xəyalə Qəmbərova 

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !