Dövlət Bayrağı Günü münasibətilə uşaq moda müsabiqəsi keçirilib - + FOTO ( AZpress.AZ - Nəriman İsmayılov )

Dövlət Bayrağı Günü münasibətilə uşaq moda müsabiqəsi keçirilib + FOTO ( AZpress.AZ - Nəriman İsmayılov )

Noyabrın 4-də NEON Palace-da Dövlət Bayrağı Günü münasibətilə “Məktəb guşəsi” jurnalı, tanınmış bəstəkar Sevinc Tofiqqızı və “Grow up Azerbaijan”ın birgə təşkilatçılığı ilə uşaq moda müsabiqəsi keçirilib.

 

İki qardaş dövlət – Azərbaycan və Türkiyənin bayraqlarının səhnəyə gətirilməsilə tədbirin açılışı öz möhtəşəmliyi ilə tamaşaçılar və qonaqlar tərəfindən gurultulu alqışlarla qarşılanıb. Aparıcılar Cəmilə Amirova və Zaur Qafarov tədbiri açıq elan etdikdən sonra Eldar Zaqudilin və Əzim Zeynalov vətənpərvərlik şerləri ilə çıxış ediblər. “Natiq Ritm Qrupu” nağara çalanlar qrupu öz çıxışları ilə tədbirə öz rəngarəng ritmlərini qatıblar.

 

“Məktəb guşəsi” jurnalının baş redaktoru Məzahir Məmmədli, baş redaktorun müavini Sevil Mirzəzadə, bəstəkar Sevinc Tofiqqızı, “VN Sweetdesingn” və “Lebada” şirkətlərinin rəhbəri Vüqar İbrahimov, Gəncliyə Yardım Fondunun vitse-prezidenti Salman Əliyev və digər qonaqlar öz ürək sözləri ilə tədbirin ərsəyə gəlməsində əməyi olan hər kəsə təşəkkürlərini bildiriblər.

 

Müsabiqədə modelyer-dizaynerlər Ella Bağırova, Kamil İsmayılov, Mehriban Məlikova, Alla Çamlıbel, Tatyana Veliksar, Röyə Rüstəmova, Şahsənəm Cəbrayılova, Şərifə Vəliyeva, Rəşidə Hüseyn, Elnarə Əliyeva, Vüsalə Gülməmmədova, Aysel Davudqızı, Natiq Musazadə və Şamil Adıgözəlzadənin Azərbaycan bayrağının elementlərini özündə əks etdirən paltarları nümayiş olunub.

 

Podiumda 4 yaşından 16 yaşına qədər olan uşaqlar çıxış ediblər. Uşaq-modellərin podiumda təmsil etdikləri obrazı yaratmaqda “Şəms Studio 100%” gözəllik salonunun professional stilistlərinin böyük zəhməti olub.

 

Münsüflər kürsüsündə modelyer-dizayner Zümrüd Mirzəliyeva, stilist Anar Ağakişiyev, bəstəkar Sevinc Tofiqqızı, rejissor Könül Əlizadə, Gəncliyə Yardım Fondunun vitse-prezidenti Salman Əliyev, müğənnilər Səidə Dadaşova və Aslan Hüseyov əyləşiblər. Münsiflərin səsverməsi ilə birinci yerə Aysel Davudqızı, ikinci yerə Röya Rüstəmova, üçüncü yerə isə Ella Bağırova və Kamil İsmayılov layiq biliniblər.

 

Moda müsabiqəsinə qatılan qonaqlar üçün maraqlı konsert proqramı da düzənlənib. Aslan Hüseynov, Delya, gənc müğənni Rinat Alimov, skripkaçı Səlim Abbasov və Zaur Qafarovun rəhbərliyi ilə kiçik rəqqaslar öz ifaları ilə tamaşaçıların böyük alqışlarını qazanıblar.

 

Sonda tədbirin təşkilatçıları NEON Palace başda olmaqla bütün sponsorlara, eləcə də “Zümrüd” uşaq bağçasına öz təşəkkürlərini bildiriblər. Medelyerlər, gənc modellər və sponsorlar hədiyyə və diplomlarla təltif olunublar.

 

Münsiflər:
Anar Ağakişiyev
Zümrüd Mirzəliyeva
Sevinc Toffiqqızı
Səlim Abbasov
Könül Əlizadə
Aslan Hüseynov
Saida Dadaşeva
Salman Aliyev
Diplomlar verildi:
Nəriman İsmayılov
Cəmilə Amirova
Sevinc Toffiqqızı
Vn sweetdesign
Levada
Şəms100% gözəllik salonu
Grand city group
Modellər və modelyerlər

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !