Azərbaycan İstiqlal Muzeyinin ekspozisiyasında Keçmişi unutmayaq! adlı sərgi-tədbir keçirildi - + FOTO

Azərbaycan İstiqlal Muzeyinin ekspozisiyasında “Keçmişi unutmayaq!” adlı sərgi-tədbir keçirildi + FOTO

Azərbaycan Respublikası Prezidenti Administrasiyası rəhbərinin Sərəncamı ilə “20 Yanvar faciəsinin iyirmi yeddinci ildönümünün keçirilməsi ilə bağlı tədbirlər planı”na əsasən 2017-ci il yanvarın 18-də saat 12:00-da Azərbaycan İstiqlal Muzeyinin ekspozisiyasında “Keçmişi unutmayaq!” adlı sərgi-tədbir keçirildi.
1990-cı il yanvar ayının 19-dan 20-nə keçən gecə keçmiş Sovet İttifaqının qoşun hissələri fövqəladə vəziyyət elan etmədən Bakı şəhərinə daxil olmuş və dinc əhaliyə divan tutmuşdur. Milli azadlıq, ölkəsinin ərazi bütövlüyü uğrunda mübarizəyə qalxmış xalq kütləvi terrora məruz qalmış, yüzlərlə günahsız insan qətlə yetirilmiş və yaralanmışdır.
Azərbaycan İstiqlal Muzeyi, Azərbaycan Dövlət Rəssamlıq Akademiyasının nəzdində İncəsənət Kolleci və Maarifçilik Akademiyası ilə birgə təşkil olunmuş sərgidə həmin təhsil ocaqların tələbələrinin və yaşlı nəsil rəssamların 20 Yanvar faciəsini əks etdirən 40-a yaxın əsərləri nümayiş olundu.
Tədbirdə Azərbaycan İstiqlal Muzeyinin direktoru Fəridə Şəmsi, 20 Yanvar şəhidi Ələsgər Qayıbovun qohumu Murğuzlu Salman, 20 Yanvar veteranı Əsəd Əsədzadə, Azərbaycan Rəssamlar İttifaqının katibi, xalq rəssamı, professor Ağaəli İbrahimov çıxış etdilər və Respublikası Uşaq Yaradıcılıq Mərkəzinin iştirakçıları tərəfindən hazırlanmış kompozisiya nümayiş olundu.
Tədbirdə Azərbaycan Dövlət Rəssamlıq Akademiyasının nəzdində İncəsənət Kollecinin, Maarifçilik Akademiyasının tələbələri, rəssamlar, Sərhəd Qoşunların, Hərbi Dəniz Qüvvələrin şəxsi heyəti, Milli Qvardiyanın əsgərləri, MTN-in Akademiyasının tələbələri və digər qonaqlar iştirak etdilər.
 

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !