Amerikalı rəssam Şeyn Quffoqqun rəsm sərgisi - + FOTO ( AZpress.AZ - Nəriman İsmayılov )

Amerikalı rəssam Şeyn Quffoqqun rəsm sərgisi + FOTO ( AZpress.AZ - Nəriman İsmayılov )

Amerikalı rəssam Şeyn Quffoqqun Bakıda Beynəlxalq rəsm sərgisi. 21 fevral-6 aprel 2017–ci il.

 

Şeyn Quffoqq (Shane Guffogg) ən çox istənilən amerika rəssamlarından biridir. Onun yaradıcılığının pərəstişkarları və əsərlərinin kolleksionerləri: ABŞ-ın eks-prezidenti Bill Klinton və senator Hillari Klinton, Dastin Hoffman, Meq Rayan, Ed Harris, Şon Vilyam Skott və başqa dünyaca məşhur siyasi xadimlər, kino və şou-biznes nümayəndələridir. Şeynin əsərləri Los-Anceles şəhərindəki Hammer muzeyinin seçilmiş kolleksiyalarında, Duke adına müasir incəsənət universitetinin muzeyində, Kaliforniyadakı Fresko art-muzeyində və bir çox başqa muzeylərdə saxlanılır. Los-Ancelesdə doğulan rəssam rəngkarlıq təhsilini də elə orada, Kaliforniya İncəsənət İnstitutunda almışdır. Şeyn 1989-1995 –ci illərdə “mətn rəngkarlığı”nın məşhur yaradıcısı -Edvard Ruşa (Edward Ruscha) ilə işləyir. Müasir abstraksionizm məktəbini təmsil edən Quffoqq, yağlı boya, akvarel, quaş və pastel boyalarla kətan və ya kağız üzərində, həmçinin, sink plitələr üzərində təsvir edir. Şeyn öz əsərlərində XVI əsr rəssamları arasında xüsusilə məşhur olan qlizal (şirələmək) texnikasından istifadə edir.

 

2017-ci il, 21fevral tarixində qonaqpərvər Bakı şəhərinin ən cəlbedici məkanlarından birini olan, Azərbaycan Respublikası Mədəniyyət və Turizm Nazirliyinin Muzey Mərkəzinin Sərgi Qalereyasında sərgisinin təntənəli açılışı baş tutmuşdur. Şəhərin mərkəzində, Dənizkənarı bulvarın yaxınlığında yerləşən Muzey Mərkəzi binası paytaxtın məşhur tarixi və memarlıq abidəsidir. Bu bina müxtəlif dövlət əhəmiyyətli tədbirlərin, dəyirmi masaların, mədəniyyət və incəsənət xadimlərinin xatirə gecələrinin, incəsənət üzrə beynəlxalq simpoziumların, dünyanın müxtəlif ölkələrinin mədə-niyyət günlərinin, caz və klassik musiqi gecələrinin, moda dəfilələri, teatr tamaşaları,incəsənət xadimlərinin mükafatlandırılması, uşaqlar üçün tədbirlərin, beynəlxalq sərgilərin və müasir kukla incəsənəti biennalesinin, müxtəlif sənət müsabiqələrinin, illik xalq-tətbiqi sənət sərgilərinin, tanınmış və gənc rəssamların fərdi sərgilərinin, foto və rəqəmsal sərgilərin və incəsənətin bir çox başqa istiqamətlərində sərgilərin keçirildiyi məkandır. Binada Azərbaycanın üç mühüm muzeyi yerləşir.
Sərgi Azərbaycan Respublikası Mədəniyyət və Turizm Nazirliyi və Amerika Birləşmiş Ştatlarının Azərbaycandakı səfirliyinin dəstəyi ilə keçirilir. 2017- ci il, 6 aprel taxinədək davam edəcək. GUFFOGG sərgisi çərçivəsində bir çox maarif və mədəni tədbirlər təşkil ediləcəkdir.
GUFFOGG beynəlxalq layihəsinin təşkilatçısı Marik Parsadanelli beynəlxalq art-agentliyi və Paris Karpentye Art qalereyasıdır.

 

Rəssam Şeyn Quffoqqun eksklüziv agenti və prodüsseri: Pyerr Markand
Rəssam Şeyn Quffoqqun art-koordinatoru: Selia de Palma

 

Sərginin ekspozisiyası iki hissəyə bölünmüşdür.Birinci hissədə rəssamın 2008–ci ilə qədər, başqa sözlə yaradıcılığının erkən dövrünə aid əsərləri nümayiş olunur. Hər bir iş əsərə daxili parıltı effekti verən 80 yarımşəffaf rəng qatından ibarətdir. İkinci hissədə Quffoqqun Leonardo da Vinçiyə həsr etdiyi əsərlər yer alır. Rəssam öz yaradıcılığını sözsüz poeziya adlandırır.
Sərgidə rəssam 73 rəsm əsəri və heykəl nümayiş edilir.

 


! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !