Hilton oteldən xüsusi dizaynlı McLaren- Honda otağının media nümayəndələrinə təqdim etmə mərasimi keçirildi - + FOTO ( AZpress.AZ - Minə Türksoy, Rüstəm İsmayılov )

Hilton oteldən xüsusi dizaynlı McLaren- Honda otağının media nümayəndələrinə təqdim etmə mərasimi keçirildi + FOTO ( AZpress.AZ - Minə Türksoy, Rüstəm İsmayılov )

AZpress.AZ informasiya Agentliyinin verdiyi xəbərə əsasən bildiririk ki, 16 iyun 2017-ci il tarixində Bakı Şəhər Halqası Əməliyyat Şirkətinin yerli media nümayəndələri və fotoqraflar üçün təşkil etdiyi əməliyyat görüşü keçirilmişdir. Görüş çərçivəsində media nümayəndələri Hilton Otelinin 16 –cı mərtəbəsində yerləşən 2017 Formula 1 Azərbaycan Qran Prisi ərəfəsində Hilton Baku oteli məşhur Formula 1 pilotları Fernando Alonso və Stoffel Vandurnun şəxsi əşyaları ilə bəzədilmiş McLaren-Honda otağına media nümayəndələri üçün ekskursiya təşkil etmiş, otaqda gecələyəcək müştəri haqqında otağın ərsəyə gəlməsi haqqında məlumatı çatdırmışlar.
2005-ci ildən etibarən McLaren-Honda Formula 1 heyətinin fəxri tərəfdaşı olan Hilton hər il yarışların keçirildiyi 17 ölkədə yerləşən mehmanxanalarından birində F1 azarkeşləri üçün xüsusi yarış otağı hazırlayır. Bakı Şəhər Halqasının uğurlu fəaliyyəti və Formula həvəskarlarının 2017-ci il Azərbaycan Qran Prisinə artan marağını nəzərə alaraq, bu il sözügedən layihə üçün məhz Bakı şəhəri seçilmişdir. Yarışların ən öncül simalarının daim seçdiyi məkan olan Hilton bu uğurlu tərəfdaşlığı qeyd etmək və 2017 Formula 1 Azərbaycan Qran Prisini daha geniş kütlələrə tanıtmaq məqsədilə turistlərə xüsusi McLaren-Honda dizaynlı otağında gecələmək imkanı yaradır. Bu otağın hər bir guşəsi sürücülərin istifadə etdikləri orijinal əşyalarla bəzədilib. Məşhur Formula 1 pilotu Fernando Alonsonun yarış uniforması və başlığı, McLaren-Honda sükan çarxı, Pirelli təkərləri, pilotların adları həkk olunmuş hamam xalatları, McLaren-Honda heyətinin yarış tarixini əks etdirən kitab və digər maraqlı əşyalar otaqda qalmaq istəyən qonaqların istifadəsindədir. İstənilən F1 azarkeşinin xəyallarını bəzəyəcək bu otaq həmçinin yarışın Pit binası və Bakı Şəhər Halqasına açılan möhtəşəm mənzərəsi ilə də diqqəti cəlb edir. Otağı icarəyə götürmək istəyən yarış həvəskarları yüksək adrenalin dolu Baku 2017 F1 həyəcanını, pitstop əməliyyatlarını, startdakı qrid düzülüşünü və finiş xəttini birbaşa görə biləcəklər. Bakı McLaren-Honda otağında gecələmək imkanı Hilton brendinin Hilton Honors sadiqlik proqramına üzv olan turistlər üçün təklif olunub və dünyanın hər bir yerindən olan milyonlarla turistə 2017 Formula 1 Azərbaycan Qran Pri yarışını tanıtmaq üçün daha bir imkan yaradır. Layihə ölkəmizin turizm potensialını nümayiş etdirib mövcud imkanları təbliğ edərək azarkeşləri paytaxtımıza səfər edib yarışı burada izləməyə həvəsləndirmək məqsədi daşıyır.
AZpress.AZ saytının verdiyi xəbərə istinadən bildiririk ki, Ekskursiyadan sonra Media Akkreditasiyasından istifadə qaydaları haqqında məlumat verilmiş və həmçinin Formula 1 ilə bağlı hazırlanmış slayd media nümayəndələrinə təqdim olunmuşdur.


AZpress.AZ , Minə Türksoy.

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!


 

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !