AzTU-da magistr olmaq istəyənlər üçün ödənişsiz hazırlıq kursları təşkil olunub

 Azərbaycan Texniki Universitetində (AzTU) 2017-2018-ci tədris ilində ölkənin ali təhsil müəssisələrində ilk dəfə olaraq magistraturaya ödənişsiz hazırlıq kursları təşkil olunub. Kursların təşkili və tələbələrin bu kurslara cəlb edilməsi üçün AzTU-nun Elm və texnika üzrə prorektoru İlham Pirməmmədovun rəhbərliyi ilə işçi qrupu yaradılıb. İşçi qrupu bu gündən etibarən tələbələrin kurslara qeydiyyatını elan edib. Noyabrın 19-a kimi davam edəcək qeydiyyat AzTU-nun “Magistratura və doktorantura” şöbəsində (I korpus, 428-ci otaq) aparılır.
Qeydiyyat prosesi başa çatdıqdan sonra, noyabrın 23-də kurslara yazılan tələbələr arasında sınaq imtahanı keçiriləcək. Sınaq imtahanının nəticəsinə əsasən tələbələrin bilik səviyyələrinə uyğun olaraq qruplar yaradılacaq.
İki mərhələdən ibarət olacaq kursların I mərhələsi 1 dekabr-15 fevral, II mərhələsi isə 1 mart-30 iyun tarixlərində təşkil olunacaq.
Qeyd edək ki, tələbələrin magistraturaya qəbul imtahanında müvəffəqiyyət səviyyəsinin artırılması məqsədi ilə yaradılan kurslar AzTU-da ötən tədris ilində də təşkil edilib. Kurslarda iştirak edən tələbələrin 89 faizi magistraturaya qəbul imtahanından müvəffəqiyyətlə keçib.

 

 

 

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  
ŞƏRHLƏR :
..send-  /..гюльага гамбаров  /..gülağa qənbərov  /..gülağa qəmbərov  /..gülağa tənha
( Burada və Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )