Lənkəranda 20 Yanvar şəhidlərinin ailə üzvləri ilə görüş keçirilib - + FOTO (AZpress.AZ – Ağaddin Babayev, Lənkəran)

Lənkəranda 20 Yanvar şəhidlərinin ailə üzvləri ilə görüş keçirilib + FOTO (AZpress.AZ – Ağaddin Babayev, Lənkəran)

Yanvarın 19-da Lənkəran Şəhər İcra Hakimiyyətində 20 Yanvar – Ümumxalq Hüzn Günü münasibətilə 20 Yanvar şəhidlərinin ailə üzvləri və əlilləri ilə görüş keçirilib. Görüş Azərbaycanın dövlət müstəqilliyi və ərazi bütövlüyü uğrunda canlarından keçmiş soydaşlarımızın xatirəsinin bir dəqiqəlik sükutla yad edilməsi ilə başlayıb. Sonra İcra başçısı Taleh Qaraşov görüşü açaraq 20 Yanvar hadisələrinin milli azadlıq hərakatının zirvəsi olduğunu bildirərək bu hadisələr zamanı şəhid olmuş insanların qəhrəmanlığından söhbət açıb. Natiq qeyd edib ki, 20 Yanvar faciəsi zamanı Azərbaycan xalqının Ümummilli Lideri Heydər Əliyev həyatını təhlükə qarşısında qoyaraq Azərbaycanın Moskvadakı o vaxtkı nümayəndəliyinə gedərək bəyanatla çıxış edib və bu vəhşi hərəkəti təkcə Azərbaycan xalqına qarşı deyil, bəşəriyyətə qarşı amansız cinayət adlandırıb. İcra başçısı çıxışında Ulu Öndərin təşəbbüsü ilə 20 Yanvar faciəsinə ilk dəfə hüquqi-siyasi qiymətin verildiyini və Prezident İlham Əliyevin müvafiq sərəncamları ilə 20 Yanvar şəhidlərinin ailələrinə və əlillərinə dövlət qayğısının artdığını, onların maddi-məişət şəraitinin, iş və mənzillə təminatının daim yaxşılaşdırıldığını diqqətə çatdırıb.
Görüşdə çıxış edən şəhid ailə üzvləri və əlillər onlara göstərilən diqqət və qayğıya görə Azərbaycan Prezidentinə və rayon rəhbərliyinə minnətdarlıqlarını bildiriblər.
Şəhidlərin il mərasimlərinin keçirilməsindən ötrü onların ailələrinə müvafiq yardımlar olunub.

 


Ağaddin BABAYEV, Lənkəran

 

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !