Prezident İlham Əliyev Formula-1 Qrupunun baş icraçı direktoru Çeyz Keri ilə görüşüb -

Prezident İlham Əliyev Formula-1 Qrupunun baş icraçı direktoru Çeyz Keri ilə görüşüb

Azərbaycan Respublikasının Prezidenti İlham Əliyev fevralın 13-də Formula-1 Qrupunun baş icraçı direktoru Çeyz Keri ilə görüşüb. Görüş zamanı 27-29 aprel tarixində Bakıda keçiriləcək 2018 Formula 1 Azərbaycan Qran Prisi ilə bağlı bir sıra məsələlər müzakirə olunub.

 

Formula 1 Azərbaycan Qran Prisinin təşkilatçısı Bakı Şəhər Halqası Əməliyyat Şirkəti (BŞH) tərəfindən 13 fevral 2018-ci il tarixində Heydər Əliyev Mərkəzində təşkil olunan “İrimiqyaslı İdman Yarışlarının Keçirilməsinin Ölkəyə Faydaları” adlı beynəlxalq konfransda spiker qismində iştirak etmək üçün Azərbaycanda səfərdə olan Çeyz Keri konfransdan əvvəl Azərbaycan Respublikasının Gənclər və İdman Naziri Azad Rəhimovla birlikdə Prezident İlham Əliyevin qəbulunda olub.

 

Görüş zamanı Azərbaycanda keçirilən Formula 1 yarışının təşkilati məsələləri, yarışın turizmin inkişafına və ölkənin dünya miqyasında tanınmasına verdiyi töhfələr xüsusilə vurğulanıb. Çeyz Keri yarışlar üçün Bakıda çox gözəl şəraitin yaradıldığını bildirib.

 

Xatırladaq ki, bu, Çeyz Kerinin Azərbaycana ilk səfəri deyil. Ötən il iyun ayında Prezident İlham Əliyev Bakıda cənab Keri ilə görüş keçirmişdi. 

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !