Xalq Artisti Həsənağa Turabovun xatirəsi anılıb - +FOTOLAR ( AZpress.AZ - Rüstəm İsmayılov )

Xalq Artisti Həsənağa Turabovun xatirəsi anılıb +FOTOLAR ( AZpress.AZ - Rüstəm İsmayılov )

AZpress.AZ xəbər verir ki, İyunun 8-də C.Cabbarlı adına Dövlət Teatr Muzeyində teatr və kino sənətinin görkəmli nümayəndəsi, Xalq Artisti Həsənağa Turabovun 80 illiyi münasibətilə tədbir keçirilib.

 

AZƏRTAC xəbər verir ki, tədbir Mədəniyyət Nazirliyi, Azərbaycan Dövlət Teatr Muzeyi, Azərbaycan Respublikası Kinematoqrafçılar İttifaqı və Dövlət Film Fondunun təşkilati dəstəyi ilə reallaşıb. Əvvəlcə qonaqlar sənətkarın həyat və yaradıcılıq yolunu əks etdirən fotosərgiyə baxıblar. Sonra aktyor haqqında videoçarx nümayiş olunub.

 

Tədbirdə Azərbaycan Dövlət Akademik Milli Dram Teatrının bədii rəhbəri və direktoru, Xalq Artisti Azərpaşa Nemətov çıxış edərək unudulmaz aktyorun həyat və yaradıcılığından söz açıb, onunla bağlı xatirələrini bölüşüb.

 

Azərbaycan Respublikası Kinematoqrafçılar İttifaqının birinci katibi Cəmil Quliyev aktyorun sənət yolundan danışıb. Qeyd edib ki, Azərbaycanın çoxəsrlik zəngin mədəni ənənələrindən lazımınca bəhrələnən Həsənağa Turabov fitri istedadı və zəhməti sayəsində səhnəyə yeniliklər gətirməklə öz üslubunu yaradıb və milli mədəniyyət salnaməsinə parlaq səhifələr yazıb. Sənətkarın çoxsaylı tamaşalarda və ekran əsərlərində böyük ustalıqla canlandırdığı müxtəlif xarakterli obrazlar barədə məlumat verən C.Quliyev deyib ki, onun iştirak etdiyi səhnə və ekran əsərləri ölkə teatrı tarixinin və kinematoqrafiyasının nailiyyətləri sırasında həmişəlik yer tutmuş qiymətli sənət inciləridir.

 

Qeyd edilib ki, Həsənağa Turabov 1938-ci il martın 24-də Bakıda anadan olub. O, 1960-cı ildə Azərbaycan İncəsənət İnstitutunu aktyorluq ixtisası üzrə bitirərək, Azərbaycan Dövlət Dram Teatrında fəaliyyətə başlayıb və ömrünün sonuna qədər bu teatrda çalışıb. 1987-2001-ci illərdə teatrın direktoru və bədii rəhbəri vəzifələrində işləyib.

 

Görkəmli aktyor bir sıra ekran əsərlərində maraqlı obrazlar yaradıb. O, “Qara daşlar”, “Telefonçu qız”, “İstintaq davam edir”, “Sən niyə susursan?”, “Sevil” bədii filmlərində epizodlarda çəkilib. “Yeddi oğul istərəm” filmindəki Gəray bəy obrazı onun ən yaddaqalan rollarındandır. Onun digər uğurlu rolu “Babək” filmindəki Afşin obrazıdır. Aktyorun “Axırıncı aşırım”, “Dantenin yubileyi”, “Qəm pəncərəsi”, “Bəyin oğurlanması” və başqa filmlərdəki rolları da öz ifa tərzi ilə seçilir. “Qanlı zəmi” filminin rejissoru olmuş sənətkar son dəfə “Ailə” və “Nə gözəldir dünya” filmlərində çəkilib.

 

Sonra kinoşünas, Əməkdar İncəsənət Xadimi Aydın Kazımzadə, teatrşünas Aydın Talıbzadə, aktyorun sənət dostları - Xalq artistləri Rafiq Əzimov, Hacı İsmayılov onunla bağlı xatirələrini bölüşüblər.

 

Sənətkarın ailəsi adından oğlu Yalçın Turabov çıxış edərək tədbirin təşkilində əməyi olan hər kəsə təşəkkürünü bildirib.

 

 

 

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır ) 

 

  azpress, гюльага гамбаров, gülağa qənbərov, gülağa qəmbərov, gülağa tənha,


 

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !