Musiqili Teatrın 2 əməkdaşı mükafatlandırıldı - (+FOTOLAR)

Musiqili Teatrın 2 əməkdaşı mükafatlandırıldı (+FOTOLAR)

AZpress.AZ xəbər verir ki, Azərbaycan Prezidentinin sərəncamı ilə yüksək fəxri adlara layiq görülmüş incəsənət xadimlərinə Mədəniyyət naziri Əbülfəs Qarayev tərəfindən mükafatlar təqdim edilib. Onların sırasında Musiqili Teatrın 2 əməkdaşı –quruluşçu rəssam Nabat Səmədovaya “Əməkdar rəssam”, quruluşçu baletmeyester Yelena Ağayevaya isə “Əməkdar artist” fəxri adlarını təsdiq edən vəsiqələr verilib.
Musiqili Teatrın hər iki əməkdaşı onlara verilən fəxri ad üçün ölkə rəhbərliyinə və Mədəniyyət nazirliyinə minnətdarlıqlarını bildiriblər.
Qeyd edək ki, Əməkdar rəssam Nabat xanım uzun illər digər incəsənət qurumlarında çalışsa da, son dövr yaradıcılığı Musiqili Teatrla sıx bağlı olmuşdur. Teatrda S. Fərəcov, Ə. Əmirli “Səhnədə məhəbbət”, O. Rəcəbov, A. Babayev “Əlin cibində olsun”, R. Mustafayev, C. Məmmədov “Məsmə xala dayımdır”, R. Əkbər “Bəydullanın möhtəşəm toyu”, S. Fərəcov, R.N. Güntəkin “Bir günlük siğə”, Üzeyir Hacıbəyli "Arşın mal alan”, Mark Kamoletti "Xoşbəxt ailə oyunu oynayırıq və ya fransızsayağı qarnir”, Emin Sabitoğlu, Cahangir Məmmədov “www.ferzeli-kef.com”, Jan Botis Molyer “Skapenin kələkləri”, Ə.Haqverdiyev "Kimdir müqəssir?” tamaşalarına bədii tərtibat vermişdir. Ümumən, 30 ildən çox iş stajına malik olan rəssam 60-dan artıq tamaşanın, 14 televiziya filminin quruluşçu-rəssamı olmuşdur.
Yеlеnа Аğаyеvа da demək olar ki, bütün ömrünü həyat yoldaşı, Musiqili Teatrın baş baletmeyesteri, Əməkdar artist Zakir Ağayevlə bərabər teatra bağlayıb. Yelena xanım tеаtrdа işlədiyi müddət ərzində “О оlmаsın, bu оlsun”, “Hələlik”, “Bаnkir аdаxlı”, “Səhnədə məhəbbət”, “Məhəbbət оyunu”, “Qırmızı pаpаq”, “Şən dul qаdın”, “Əlin cibində оlsun”, “Məsmə xаlа dаyımdır” “Mаritsа”, “Tаlеlər qоvuşаndа”, “Vоlqаlı cаnаn”, “Silvа”, “Çılğın Qаsqоniyаlı”, “Bir günlük siğə”, “Аldın pаyını, çаğır dаyını”, “Şеytаnın yubilеyi” tаmаşаlаrındа baletmeyester kimi iştirаk еtmişdir.
“Bu mükafatlar mədəniyyətimizə - teatr və incəsənətimizə göstərilən yüksək diqqət və qayğının bariz nümunəsidir, bizim çiyinlərimizə düşən məsuliyyətdır. Biz bundan sonra da maddi-texniki bazası müasir dünya standartlarına cavab verən, möhtəşəm teatrımızda daha da səylə, ruh yüksəkliyi ilə çalışacağıq. Teatr bizim milli sərvətimizdir”-deyə Yelena Ağayeva sevincini belə bölüşüb.

 

 

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

 

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )

 

 

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !