Gedəcəm... - - Sona Vəliyeva

Gedəcəm... - Sona Vəliyeva

GEDƏCƏM

 

Bu da yollar ayrıcıdı -
Bir payızdı, bir də mən.
Hara gedib bu adamlar?
Düşdüm ömrün ətəyindən.

Əl mənim, ətək illərin
Ha tutdum əlim sürüşdü.
Yağışda islanan duam
Göz yaşlarımla görüşdü.

Pəncərədə donub qalan
Yolda qalmış göz harayı.
Payıza qoşulub getsəm,
Yıxılar ömür sarayı.

Darıxacaq dəniz, şəhər,
Darıxacaq qapım, bacam.
Yağış olub, damla olub
Pəncərəmlə danışacam.

O kimdir mənsiz hönkürən?
Hər tərəf şehə bələndi.
Son ümiddən yol açılsa,
Ayrılıqlar çəkiləndi. 

 

 

 

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

 

 

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )