Best Model in qalibi oldu, ailəsi icazə vermir… – - Qalmaqalın pərdəarxası (+FOTO)

“Best Model”in qalibi oldu, ailəsi icazə vermir… – Qalmaqalın pərdəarxası (+FOTO)

Bir neçə gün bundan əvvəl “Best Model of Azerbaijan” yarışmasının finalı baş tutub. Gecədə “ən yaxşı xanım” Aygül Səfərova, “ən yaxşı bəy” isə Şakir Əhmədzadə olub.

 

Final günü yarışmanın milli direktoru Aqil Məmiyevlə münsiflər arasında gərgin anlar yaşanıb. Belə ki, jürilərlə təşkilatçının seçimi üst-üstə düşməyib.

 

A.Məmiyev “Qafqazinfo”ya danışaraq məsələyə aydınlıq gətirib: “Müsabiqənin rəhbəri kimi əsas qərarı vermək haqqım var. Amma münsiflər heyətinin üzvləri ölkənin tanınmış simalarıdır. Onların nəticələrini, rəyini pozmaq istəmədim. Jürilərin sədri Əməkdar artist Tünzalə Ağayeva idi. Bundan başqa, Nərgiz Cəlilova, Afaq İsmayılzadə, Elnur Hüseynov, Gülnarə Xəlilova, Zamiq Hüseynov və başqaları həmin kürsüdə əyləşmişdi. Zamiq bəy səsvermədə tam olaraq iştirak etmədi. Ancaq jüri üzvləri Aygül Səfərovanı birinci etdilər. Mən isə buna etirazımı bildirdim. 

 

Ona görə etiraz etdim ki, Aygül Səfərova tək boy ilə bunu həll edə bilməz. Hər şey bir-birini tamamlamalı idi. Onun qalib olmağını “Venera” model agentliyinin rəhbəri Səma Həsənova irəli sürüb. Jürilər də bundan sonra yekun qərar verib. Mən qalibin Cəmilə Qoluboviçin olması barədə təklif irəli sürsəm də, nəticəsiz qalıb. Həmçinin bəylər arasında Şakir Əhmədzadə və Nuru Əhmədov favorilərim idi. Qalib Şakir oldu, buna heyfslənmirəm, təbrik edirəm. Məni narahat edən xanım qalib idi.

 

Düzdü, N. Əhmədov haqqımda mənfi açıqlamar verir, amma mən hələ də, onu birinci kimi görürəm. Seçim zamanı münsiflər heyəti arasında gərgin anlar yaşadıq, mübahisə etdik. Nuru Əhmədov Azərbaycan ikincisi adını qazandı. Öz bəyəndiyim iştirakçıları təkidlə dediyim zaman münsiflərdən bir neçəsi düşündü ki, həmin şəxslərdən pul almışam, buna görə, onların qalib olmasını istəyirəm. Amma belə deyil. Daha sonra münsiflər dedi ki, başa düşürük, sənin rəyin belədir, amma biz münsifik, qalib öz seçdiyimizi görürük”.

 

Məmiyev qeyd edib ki, birinci olan xanım “Best Model of Worlds”a gedə bilmir: “Məlum olduğu kimi, qalib “Best Model of Worlds” müsabiqəsinə göndərilir. Amma münsiflərin qalib etdiyi Aygül Səfərova gedə bilmir. Bizim bunu sübuta yetirəcək yazışmalarımız var. Səbəb isə onun ailəsinin icazə verməməsidir. O yazıb ki, mən bilmirdim qalib gələcəm, sadəcə olaraq yarışmada iştirak etmək istədim. Bu məqamda qaydalara görə, ikinci olan Cəmalə Qoluboviç getməlidir. Baxın, yaranan bu problemlərə görə, biz mediaya qaliblərin adını açıqlaya bilmədik. Siz münsiflərlə əlaqə saxlayaraq rəylərini ala bilərsiz. Dünən münsiflərlə görüş təşkil etdik, biz bu məsələni müzakirə etdik. Onlar qeyd etdilər ki, seçim münsiflər tərəfindən edilib, lakin bundan sonra bütün məsələrdə mənim arxamdadırlar.

 

 

Bütün nəticələrə rəğmən yarışmanın prezidenti Erkan Özarmanla yazışdım. Onlar qeyd etdilər ki, qaliblərin adını bizə göndərin. Qalib xanım da “Best Model of Worlds”a getmək istəmir. İnsanlar da birinci qız barədə tənqidlər yazırlar. Axı bu mənim seçimim deyil? Yazdım ki, Aygül xanım, siz nə qədər insanların haqqına girmisiz. Düşünmək barədə iki saat vaxt verildi, son qərara gəldi ki, ailəsi icazə vermir. Özüm favori iştirakçıları Erkan Özarmana təqdim edəcəm, onun yekun qərarını mediaya təqdim edəcəyik. Nəticələr ləğv oluna bilər. Amma onu da qeyd edim ki, C. Qoluboviç xaricdə olduğu üçün beynəlxalq layihədə iştirak edəcək xanım iştirakçının adını hələki açıqlanmayıb”.

 

“Qafqazinfo” mövzu ilə bağlı qalib Aygül Səfərova ilə əlaqə saxlayıb. O da A. Məmiyevin sözlərini təsdiq edərək “Best Model of Worlds”a getmək istəmədiyini qeyd edib:

 

“Müsabiqəyə sadəcə iştirak etmək üçün qatılmışdım. Düşünmürdüm ki, qalib olacam. Münsiflər sağ olsun, məni birinci seçdi. Amma “Best Model of Worlds”a getmək istəmirəm. Mənim əvəzimə ikinci yerin qalibi iştirak etsin. Məndə alınmır, ailəm də qismən icazə vermir. Məni də çox tənqid edirlər. Onların rəylərinə də əhəmiyyət vermirəm”.

 

Aygül Səfərova

 

 

Cəmalə Qoluboviç

 

 

Şakir Əhmədzadə

 

 

Nuru Əhmədov

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

 

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )

 

 

 

 

 

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !