Düşmən əhatəsində qılınan namaz və doğmaların linçi... - - Elşad Paşasoy yazır..

Düşmən əhatəsində qılınan namaz və doğmaların linçi... - Elşad Paşasoy yazır..

Sosial şəbəkələrdə indi də Əflatun Amaşovu “linç” edirlər. Səbəbini bir çoxları bilir. Bilməyənlər üçün yazaq. Deputat, Mətbuat Şurasının sədri Qara Dəniz İqtisadi Əməkdaşlıq Təşkilatı Parlament Assambleyasının (QDİƏT PA) İrəvanda keçirilən 52-ci plenar sessiyasında iştirak edib. Təbii ki, Azərbaycanın nümayəndə heyətinin tərkibində.

Bir sıra sosial şəbəkə istifadəçiləri deyir bu, Azərbaycana xəyanətdir, gərək Amaşov daxil, azərbaycanlı deputatlar Ermənistana getməyəydi. Digərləri isə Ə.Amaşovun qarşısında Azərbaycan bayrağının tərs asıldığını iddia edib onu rəsmən terror edirlər. Sanki Hüseyn Cavidin diliylə desək, “cümlə xəyanətlərə bais” məhz cənab Amaşov imiş. Bir çoxları az qalır desinlər ki, Ə.Amaşov bayrağı çevirib düz üzünə assa, torpaqlarımız da işğaldan azad olunardı. Lakin etməyib. Bəlkə də biriləri rayonlarımızın işğalının əsas səbəbini həmin tərs qoyulmuş bayrağımızda axtarırlar.

Düzdür, artıq MŞ sədri ünvanına səsləndirilən ittihamları cavablandırıb. Əflatun bəy “bohtandır, iftiradır, təqdim edilən şəkil montajdir!” yazıb. Bildirib ki, hansı beynəlxalq tədbirə yollanırsa, özü ilə ehtiyat üçün bayrağımızı da götürür. İrəvan səfərində də ənənəsinə sadiq qalıb. Ə.Amaşov bu dəfə də təmkinini pozmayıb və “sadəcə pıçıldayıram: ayıb olsun!” yazıb.

Əslində bununla bitirmək olardı və heç Əflatun Amaşovun bizim müdafiəmizə də ehtiyacı yoxdur. Millət vəkilidir, deputat tribunası var, istədiyi zaman sözünü deyə bilər. Amma bir az da insaflı, ədalətli olmaq lazımdır.


Elşad Paşasoy

 

 

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

 

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır ) 

***************************************************************************
 
T Ə D B İ R L Ə R İ N İ Z İ N
   V   İ   D   E   O    +    F   O   T   O    
ç  ə  k  i  l  i  ş
-lərini
aparmaq və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
Əlaqə üçün : Telefon + WhatsApp : 050 331 1111
 
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !