Gömrük Akademiyasında gömrük əməkdaşları üçün təlimlərə start verilib - (+FOTOLAR)

Gömrük Akademiyasında gömrük əməkdaşları üçün təlimlərə start verilib (+FOTOLAR)

 AZpress.AZ xəbər verir ki, aprelin 22-də Dövlət Gömrük Komitəsinin Akademiyasında “Bir inspektor-bir nəqliyyat vasitəsi” prinsipinə uyğun olaraq “Gömrük sərhəd buraxılış məntəqələrindən keçirilən mal və nəqliyyat vasitələrinin qeydiyyata alınması, “Yol vergiləri”nin hesablanması, “İcazə blankları”nın tətbiqi və “BYD kitabçalarından istifadə etməklə həyata keçirilən beynəlxalq daşımalar” zamanı gömrük nəzarəti və rəsmiləşdirilməsi qaydaları” mövzusunda təlimə start verilib.

Təlimdə Enerji Resursları və Dəniz Nəqliyyatında Baş Gömrük İdarəsinin tabeliyindəki gömrük postlarında xidmət aparan 76 gömrük əməkdaşı iştirak edir və məqsəd əməkşların peşə biliklərinin artırılmasıdır.
Təlimin acılış mərasimində çıxış edən Dövlət Gömrük Komitəsinin Gömrük Sərhəd Buraxılış Məntəqələrinin İşinin təşkili Baş İdarəsi rəisinin birinci müavini Mübariz Mustafayev beynəlxalq ticarətin asanlaşdırılmasında, yükdaşımaların və sərhədkeçmə proseslərinin sürətləndirilməsində gömrük-sərhəd buraxılış məntəqələrinin xüsusi rol oynadığını bildirib, məntəqələrin işinin günün tələbləri səviyyəsində qurulması məqsədilə tətbiq edilən yeniliklərdən bəhs edib, təlimin bu istiqamətdə xüsusi rol oynayacağını diqqətə çatdırıb.

Akademiyanın rəisi Qulu Novruzov son dövrlərdə gömrük sistemində aparılan islahatların uğurla həyata keçirilməsində gömrük əməkdaşlarının bilik və bacarıqlarının artırılması, potensialının gücləndirilməsi ilə bağlı təlim və seminarların mühüm rol oynadığını bildirib. Qulu Novruzov bu istiqamətdə Akademiyanın da üzərinə düşən vəzifələri yerinə yetirəcəyinə, əməkdaşların peşəkarlığının artırılmasına öz töhfəsini verəcəyinə əminliyini ifadə edib.

Təlim üç həftə davam edəcək və sonda iştirakçıların əldə etdikləri biliklərin qiymətləndirilməsi aparılacaq.

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

                              

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )