“Dan” Naxçıvan şəhərində “Biznesin qaydaları” adlı təlimini keçirmişdir - (+FOTOLAR)

“Dan” Naxçıvan şəhərində “Biznesin qaydaları” adlı təlimini keçirmişdir (+FOTOLAR)

 AZpress.AZ xəbər verir ki, “Dan” Beynəlmiləlçi Gənclər İctimai Birliyi 18-19 aprel 2019-cu il tarixlərində, Naxçıvan şəhərində “Biznesin qaydaları” adlı təlimini keçirmişdir.

Layihə Azərbaycan Respublikasının Gənclər Fondunun maliyyə dəstəyi ilə həyata keçirilir.

“Gənclərin sahibkarlığı - iqtisadi inkişafın əsas mühərriyi kimi”layihəsinin əsas məqsədləri gənclərin məşğulluğunun artırılması, gənclərin biznes haqqında məlumatının artırılması, gənclər arasında sahibkarlığın inkişaf etdirilməsi, gənclərin özünüidarə və iqtisadi baxımdan təminetmə bacarıqlarının inkişaf etdirilməsi və gənclərə öz biznesini yaratmaqda dəstək olmaqdır.

Təlimlərdə biznesin təşkili və idarə edilməsi, satışın həyata keçirilməsi, rəqəmsal marketinq, maya dəyərinin qiymətləndirilməsi, digital marketinq imkanları, sifarişçilər ilə sənədləşmənin aparılması mövzularında ətraflı məlumat verilmişdir.

Ümumilikdə təlimlərdə 70-ə yaxın gənc iştirak etmişdir.

Təlimlərdə bir neçə gəncin start-up layihələri təlimçilər ilə birlikdə müzakirə olunmuşdur.
Təlimin sonunda iştirakçılar şəhadətnamə ilə təltif olunmuşdur.

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

                              

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )