12-ci Koreya Beynəlxalq Qadın İxtiraları Sərgisi və Forumunda ölkəmizi təmsil edən nümayəndələrlə görüş keçirilib - (+FOTOLAR)

12-ci Koreya Beynəlxalq Qadın İxtiraları Sərgisi və Forumunda ölkəmizi təmsil edən nümayəndələrlə görüş keçirilib (+FOTOLAR)

Əqli Mülkiyyət Agentliyində Koreya Beynəlxalq Qadın İxtiraçılar Assosiasiyası tərəfindən 2019-cu il 20-25 iyun tarixlərində Cənubi Koreyada keçirilmiş 12-ci Koreya Beynəlxalq Qadın İxtiraları Sərgisi və Forumunda ölkəmizi təmsil edən əczaçılıq elmləri doktoru, professor Məhbubə Vəliyeva və "Nərgiz" klinikasının rəhbəri Məlahət Qəhrəmanova ilə görüş keçirilib.
Qeyd edək ki, beynəlxalq tədbirdə Azərbaycan nümayəndələri tərəfindən bitki mənşəli müalicə xarakterli preparatların alınması və istifadəsi ilə bağlı bir ədəd Azərbaycan və 8 ədəd Avrasiya patenti olmaqla cəmi 9 ixtira patentləri üzrə alınan məhsullar nümayiş etdirilib.
Qonaqları salamlayan Agentliyin İdarə Heyətinin üzvü Sənan Tapdıqov Agentliyin fəaliyyəti haqqında məlumat verib. O, Agentliyin daim ölkəmizdə ixtiraçılıq fəaliyyətinə, innovativ yeniliklərə dəstək olduğunu və Agentlikdə Texnologiya transferi və kommersiyalaşmaya dəstək şöbəsinin yaradıldığını qeyd edib və beynəlxalq tədbirdə mükafatladırılan Azərbaycan nümayəndələrini təbrik edib.
M.Qəhrəmanova ölkəmizin nümayəndələrinin ilk dəfə Koreya Beynəlxalq Qadın İxtiraçılar Assosiasiyası tərəfindən keçirilən bu tədbirdə iştirak etdiyini diqqətə çatdırıb və Azərbaycanın qadınlarının ixtiralarının yüksək dəyərləndirildiyini və mükafatlara layiq görüldüyünü bildirib.
M.Vəliyeva sərginin iki əsəs mükafatından birinin – “Xüsusi priz”in məhz ölkəmizin nümayəndəsinə təqdim olunduğunu, ümumilikdə isə ixtiraçı qadınlarımızın 3 qızıl, 2 gümüş və 3 bürünc medala layiq görüldüyünü qeyd edərək beynəlxalq tədbirdə iştirak ilə əlaqədar təşkilatı məsələlərin görülməsində Agentliyin rəhbərliyinə təşəkkürünü çatdırıb.
Görüşdə həmçinin yaxın zamanda ölkəmizdə də ixtiraçı qadınların ictimai birliyinin yaradılması məsələsi müzakirə edilib.

 

 

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

                              

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )

 

 
T Ə D B İ R L Ə R İ N İ Z İ N
   V  İ  D  E  O  +  F  O  T  O   
çəkilişlərini aparmaq və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L       E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
Əlaqə üçün : Telefon + WhatsApp : 050 331 1111
 
* * *
 
 
 
 
 
 
 
  !  © Müəllif hüquqları qorunur !
Məlumatdan istifadə etdikdə istinad mütləqdir !
Məlumat internet səhifələrində istifadə edildikdə müvafiq keçidin qoyulması mütləqdir !!!