Fransanın coğrafi göstəricilərinin Azərbaycanda qorunması məsələləri müzakirə olunub - ( +FOTO=3 )

Fransanın coğrafi göstəricilərinin Azərbaycanda qorunması məsələləri müzakirə olunub ( +FOTO=3 )

www.facebook.com/groups/250993438794052/ 

 

Azərbaycan Respublikasının Əqli Mülkiyyət Agentliyinin İdarə Heyətinin sədri Kamran İmanov Fransanın Türkiyədəki səfirliyinin kənd təsərrüfatı üzrə müşaviri cənab Fransua Viel və bu ölkənin Konyak Peşələrarası Milli Bürosunun (BNIC) hüquq departamentinin direktoru Eduard Dö Kervenoaeli qəbul edib.
Qonaqları salamlayan Kamran İmanov dövlət başçısı cənab İlham Əliyevin apardığı xarici siyasət sayəsində Azərbaycan və Fransa arasında dostluq və tərəfdaşlıq münasibətlərinin genişləndiyini, xüsusilə son illər birinci vitse-prezident Mehriban xanım Əliyevanın səyləri nəticəsində bu ikitərəfli əlaqələrin daha da inkişaf etdiyini nəzərə çatdırıb. O, əqli mülkiyyət sahəsinin inkişafına yönəlmiş institusional islahatlar nəticəsində keçən il Azərbaycan Respublikası Prezidentinin Fərmanı ilə Əqli Mülkiyyət Agentliyinin yaradıldığını və bir neçə qurumun vahid struktur altında birləşdirildiyini qeyd edərək Dünya Bankının «Doing Business - 2019» hesabatında Azərbaycanın 10 ən islahatçı dövlətlər sırasında olduğunu və Dünya İqtisadi Forumunun Qlobal Rəqabətlilik Hesabatının “Əqli mülkiyyətin qorunması” indeksi üzrə Azərbaycanın dünyada 36-cı pillədə yerləşdiyini və hazırda Agentliyin qarşısında duran ən mühüm vəzifələrdən birinin dövlət başçısının apardığı islahatlara yardımçı olmaq və əqli mülkiyyət sahəsində innovasiyalı inkişafa dəstəyin verilməsindən ibarət olduğunu bildirib.
Qəbul üçün təşəkkürünü bildirən F.Viel artıq ikinci dəfə Azərbaycanda olduğunu və bu dəfəki gəlişinin Fransa Şirkətlər Hərəkatının (MEDEF) nümayəndə heyətinin Bakıya səfəri ilə əlaqədar olduğunu qeyd edərək nümayəndə heyətinə 12 sahəni əhatə edən 45 şirkətin 70 nəfər əməkdaşının daxil olmasının Fransa sabihkarlarının Azərbaycana marağının necə yüksək olmasına dəlalət etdiyini nəzərə çatdırıb. O, ölkəsinin aqrar sahədə coğrafi göstəricilərin qorunması məsələsinə çox əhəmiyyət verdiyini və bunun kənd təsərrüfatı sahəsində milli strategiyasının prioritetlərindən olduğunu vurğulayıb.
F.Dö Kervenoaeli Bakı şəhəri haqqında ilk təəssüratlarından məmnun olduğunu bildirərək Fransanın Konyak şəhəri ilə Azərbaycanın Tovuz şəhəri arasında olan əlaqələr, Azərbaycan nümayəndə heyətinin Konyak şəhərinə səfərləri haqqında qısa məlumat verib. O, təmsil etdiyi BNIC təşkilatının əsas vəzifələrindən biri kimi dünya miqyasında “Konyak” coğrafi göstəricisinin qorunması olduğunu diqqətə çatdıraraq Azərbaycan və Avropa ittifaqı arasında coğrafi göstəricilərin qorunması sahəsində razılığın əldə olunmasından razı qaldıqlarını qeyd edib və bu sahədə Azərbaycanın şərab istehsalçılarına hüquqi və texniki yardımın göstərilməsinə hazır olduqlarını bildirib.
K.İmanov ölkəmizdə konyak istehsalının 200 illik tarixi olduğunu və bunun əsasən Azərbaycanda məskunlaşmış alman koloniyaları ilə bağlı olduğunu söyləyib. Agentliyin rəhbəri Sovetlər dövründə Azərbaycanın demək olar ki, ən çox üzüm istehsal edən ölkə olduğunu, ölkəmizdə dünyanın heç bir yerində olmayan şirin üzüm sortlarının yetişdirildiyini qeyd edərək bu sahədə əməkdaşlıq üçün böyük imkanların olduğunu vurğulayıb.
Görüşdə Agentlik və BNIC-in təşkilatçılığı ilə gələcək əməkdaşlıq üçün yol xəritəsinin hazırlanması və gələcəkdə Azərbaycan Respublikası Sahibkarlar (İşəgötürənlər) Təşkilatları Milli Konfederasiyası və “Azərbaycan Şərab İstehsalçıları və İxracatçıları Assosiasiyası” İctimai Birliyinin nümayəndələrinin iştirakı ilə tədbirlərin keçirilməsi barədə razılıq əldə edilib.

 

 

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

                              

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )

 

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !