İRANLI MUHACİRLƏR CƏMİYYƏTİ İB-NİN YENİ LAYİHƏSİ -

“İRANLI MUHACİRLƏR CƏMİYYƏTİ” İB-NİN YENİ LAYİHƏSİ

Maarifləndirici tədbirlərdə ölkəmizə mühacirətin mərhələləri, spesifik cəhətləri öyrəniləcək

“İranlı Muhacirlər Cəmiyyəti” İctimai Birliyi iyulun 20 –də yeni layihənin icrasina start verib. Bu ilin 4 ayını əhatə edəcək layihə “Azərbaycan Respublikasına olan mühacirətin mərhələləri, ölkədə mühacirlərlə iş sahəsində tendensiya və xüsusiyyətlərin öyrənilməsi mövzusunda maarifləndirici tədbirlərin keçirilməsi” adlanır.
İMC-nin sədri Firidun İbrahimi bildirib ki, mühacir, muhacirət müasir dünyamızın aktual məsələlərindəndir. Araşdırmaları, monitorinqlər alim və tədqiqatçılarımızın, mediamızın Azərbaycandan xarici dövlətlərə mühacirət mövzusuna Azərbaycana mühacirətə nisbətən daha çox müraciət etdiklərini göstərir. Təkcə ötən əsrdə ölkəmizə İrandan 7 kütləvi mühacirət olmasına baxmayaraq bu sahədəki ictimai bilgisizliyə, məlumatın bəsitliyinə heç cürə haqq qazandırmaq mümkün deyil. Respublikanın əməkdar jurnalisti Rəhim Hüseynzadənin rəhbəri olduğu layihə maarifləndirici tədbirlər vasitəsilə bu durumun aradan qaldırılmasını qarşıya məqsəd qoyub.
F. İbrahimi əlavə edib ki, həmin mühacirlərin tam əksəriyyəti azərbaycanlılar olduğundan digər ölkələrdə yaşayan soydaşlarımızın vəziyyəti ilə müqayisələr aparmaq, Qubada, Qazaxda, Tərtərdə və Bakıda keçirəcəyimiz “dəyirmi masa”larda iştirakçıların fikirlərini, rəylərini dinləmək imkanları yaranacaq. Ancaq fakt budur ki, 72 yaşlı təşkilatımız mühacirətin dünyəvi Azərbaycan modelidir. Tədbirlərdə bu barədə iftixar hissi ilə danışılacaq, elm, təhsil, səhiyyə, mədəniyyət və quruculuq işlərində fərqlənən mühacirlərə, onların övladlarına diplomlar təqdim ediləcəkdir.
 

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !