Təzəpir in imamı: - Hər insanın qurban kəsməsi dini baxımdan vacib deyil

“Təzəpir”in imamı: Hər insanın qurban kəsməsi dini baxımdan vacib deyil

Hər insanın qurban kəsməsi dini baxımdan vacib deyil.

Bunu "Təzəpir” məscidinin imamı Mircəfər Eyyubov bayram namazından sonra deyib.

O bildirib ki, bayram namazı saat 09:00-da başlasa da, sübh tezdən məscidə yüzlərlə insan axışıb:

"İnsanlar bayram namazından öncə ibadət ediblər. Onlara dinin, imanın gözəlliyindən, dürüstlükdən bəhs edən ibrətamiz hekayələr danışılıb”.

M.Eyyubov qeyd edib ki, Qurban bayramı Həcc ayinlərindən biri sayılır:

"Bu gün hacıların qurban kəsməsi vacibdir. Ümumilikdə isə hər insanın qurban kəsməsi dini baxımdan vacib deyil. İnsanlar bu bayramın fəlsəfəsinə uyğun olaraq bir-birilərinə yardım edirlər. Kəsilən qurbanların isə imkansız ailələrə verilməsi daha məqbul hesab edilir.

Allaha yaxın olmaq, Allahın buyurduğu kimi yaşamaq, insanlara faydalı olmaq ən gözəl ibadətdir”.(oxu.az) 

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !