Onlar Rusiyanın ən zəngin ailələridir - – SİYAHI

Onlar Rusiyanın ən zəngin ailələridir – SİYAHI

Qutseriyevlər artıq beşinci ildir ki, ən zəngin Rusiya ailələrinin reytinqində birinciliyi qoruya bilir.

“RİA Novosti”nin xəbərinə görə, bu barədə “Forbes” jurnalı məlumat yayıb.

“Safmar” qrupunun təsisçisi Mixail Qutseriyev və onun ailəsinin sərvəti bir ilə 320 milyon dollar azalaraq, 5,65 milyard dollar təşkil edib.

Bununla yanaşı, Səid Qutseriyevin kapitalı iki dəfə artıb: yanvarda atası Kiprdəki “Landbury Trading”də olan payını ona ötürüb. “Safmar Maliyyə investisiyaları” holdinqinin aksiyalarının 30,4 faizi bu şirkətə aiddir. Dayısı Sait-Salam isə Səidə neft şirkətlərində və “M.Video” məişət texnikası satışı şəbəkəsindəki payını verib.

“Forbes” siyahısında ikinci yer 5,18 milyard dollarlıq var-dövləti olan Rotenberqler ailəsinə məxsusdur. 2014-cü ildə onların aktivləri Arkadi və Boris qardaşları arasında bölünmüşdü və indikindən 370 milyon dollar çox idi. Sonralar isə qardaşlara qarşı beynəlxalq sanksiyalar tətbiq olunduqda aktivlərin bir hissəsi Arkadinin oğlu İqora və qızı Liliyaya keçib.

Üçüncü yerdə Şaymiyevlər ailəsidir. Tatarıstanın birinci Prezidenti Mintimer Şaymiyevin oğulları Radik və Ayrat regionun ən zəngin sakinləri statusunu saxlamaqdan əlavə, öz kapitalını artıra da biliblər: bir il ərzində onların sərvəti 320 milyon dollar artaraq, 2,8 milyarda çatıb.

Rusiyanın ən zəngin ailələrinin onluğuna, həmçinin, daxildirlər: Qapontsevlər (iki milyard dollar), Yevtuşenkovlar (1,94 milyard dollar), Rəhimqulovlar (1,89 milyard dollar), Linniklər (1,6 milyard dollar), Sarkisovlar (1,6 milyard dollar), Bajayevlər (1,51 milyard dollar) və Mixaylovlar (1,16 milyard dollar).

Nəşr qeyd edir ki, ötən il onluqda olan Məhəmmədovlar, Şalamovlar və Zubitskilərin bu il siyahıya düşmələrinə 1,16 milyard dollar çatmayıb. 

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !