Deputatı ölümlə hədələdilər -

Deputatı ölümlə hədələdilər

Milli Məclisin deputatı Tahir Kərimli İTV-də yayımlanan "3D" verilişinin qonağı olub.

AZpress.AZ qafqazinfoya istinadən bildirir ki, o efirdə bir sıra məsələlərə aydınlıq gətirib.

Tahir Kərimli əvvəlcə, Azərbaycan Dövlət Himninin dəyişdirilməsi yönündə səsləndirdiyi fikirlərə münasibət bildirib:

"Mən deyirdim ki, himni Heyratı üstündə, Koroğlu uverturası kimi yazaq. Himdən qəmgin notları çıxardaq. Mən heç vaxt himni dəyişməyi təklif etməmişəm. Buna görə sosial şəbəkələrdə məni ölümlə də hədələdilər. Mən istəyən kimi himn olsaydı, Azərbaycan xalqı onu daha çox sevərdi. Qarabağı azad etmək istəyən millətin hünərvər himni olmalıdır".

Tahir Kərimli verilişdə daha bir məsələyə aydınlıq gətirib. O, deputatların mənzillə təmin olunması üçün təklif irəli sürmədiyini söyləyib:

"Mən dedim ki, bizə yox, Milli Məclisin adi işçilərinə mənzillər verilsin. Dedilər ki, guya mənzili Tahir Kərimli özünə istəyir. 101 kv metr mənzilim var, bəsimdir. Təbii ki, insan daha geniş evdə yaşamaq istəyir. Götürüb yazdılar ki, Tahir Kərimlinin gözü doymur. Mən nəinki mənzil, əməkhaqqı, deputatların, hər hansı bir vəzifəli şəxsin imtiyaz daşımasına qarşıyam. Olmaz, biz heç kimdən artıq deyilik".

Tahir Kərimli yaşadığı binanın bir hissəsində əxlaqsızlıq yuvası, hostel açılmasından da bəhs edib. O, bir müddət əvvəl Milli Məclisdə səsləndirdiyi problemin hələ də həll olunmadığını qeyd edib:

"O məsələni həll edə bilmədik. Dəhşətdir. Əvvəl qadınları yaxşı olmayan paltarda görəndə narahat olurduq. Amma biz nələr gördük. Xaricdən gələn kişilər balkona paltarsız çıxırlar. Bizim ailə üzvlərimiz var. Yaşadığımız yer memarlıq binasıdır. Qəti qağandır ki, ora hostelə, otelə çevrilsin. Təəssüf edirəm ki, müraciət etmədiyimiz adam qalmadı. Bizim gücümüz çatmadı, qanundan yüksək olan adam gəlib orada otelini tikdi. Təəssüf ki, bu gün də həmin adamın kimliyini bilmirəm. Əgər men deputat olaraq öz hüquqlarımı həll edə bilmirsəmsə, adi adamlar neyləsin? Milli Məclisdə çox yaxşı şərait, kabinetimiz, maaşımız var. Birinci deputatlıq dönəmində dövlətin bütün problemləri Mili Məclisdə həll olunurdu. Sizi inandırım ki, deputatın qarşısında istənilən vəzifəli şəxs məsuliyyət daşıyırdı. İndi isə nəinki nazir, bəzi nazir müavinləri belə hökumət telefonlarına cavab vermir". 

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !