BDU-nun dilçi alimləri XI Beynəlxalq Dünya Dili Türkcə Simpoziumunda - (+FOTO=3)

BDU-nun dilçi alimləri XI Beynəlxalq Dünya Dili Türkcə Simpoziumunda (+FOTO=3)

 AZpress.AZ xəbər verir ki, Türkiyənin Samsun şəhərində Samsun Valiliyi, On Doqquz May Universiteti, Türk Dil Qurumu və Yunus Əmrə İnstitutunun birgə təşkilatçılığı ilə “19 May 1919-cu il Milli Qurtuluş Savaşı”nın 100 illiyinə həsr olunmuş XI Beynəlxalq Dünya Dili Türkcə simpoziumu keçirilib. Dünyanın müxtəlif ölkələrini təmsil edən elm adamlarının qatıldığı simpoziumun 65 bölmə iclasında türkologiyanın aktual problemlərinə həsr olunmuş 300 məruzə dinlənilib.

Simpoziumda Bakı Dövlət Universitetinin Azərbaycan dilçiliyi kafedrasının professoru Zemfira Şahbazova, Türkologiya kafedrasının dosenti Qızılgül Abdullayeva, Azərbaycan dilçiliyi kafedrasının əməkdaşı, filologiya üzrə fəlsəfə doktoru Aygün Məhərrəmova və “Türkoloji araşdırmalar” ETL-in kiçik elmi işçisi Pərvin Eyvazov iştirak edib.

Bölmə iclaslarında Zemfira Şahbazovanın “Azərbaycan və Türkiyə türkcələrində xitabların linqvistik xüsusiyyətləri”, Qızılgül Abdullayevanın “Azərbaycan dilində tarixi aqlütinasiya və analitizm”, Aygün Məhərrəmovanın “Ortaq türk abidəsi “Koroğlu” dastanının dilində təkrarların üslubi xüsusiyyətləri”, Pərvin Eyvazovun “Prof. Bəkir Çobanzadənin dilçilik araşdırmalarında Azərbaycan dilinin mənşəyi, qədim izləri və təşəkkülü məsələləri” adlı məruzəsi iştirakçılar tərəfindən maraqla qarşılanıb. Məruzələr yekunlaşdıqdan sonra təşkilat komitəsi adından Azərbaycan nümayəndə heyətinə sertifikatlar təqdim olunub.
Professor Zemfira Şahbazova simpoziumda bölmə rəhbəri kimi fəaliyyət göstərib.

Simpozium başa çatdıqdan sonra qonaqların Samsun şəhəri ilə tanışlığı baş tutub.

 

 

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !