Artıq noyabr ayı üçün toylarım var - - Fədayə Laçın…

“Artıq noyabr ayı üçün toylarım var”- Fədayə Laçın…

AZpress.AZ  ölkə.az-a istinadən bu gün həbsdən çıxan Fədayə Laçın müsahibəsini təqdim edir:

– Bacınız İlahə Fəda bildirmişdi ki, bu son iki gün geridə qalan iki ildən daha ağır keçdi.

– Son iki gündə çox həyəcanlı idim. Heç beş il cəza alanda bu qədər həyəcanlı olmamışdım. Amma son günlərdə mənimlə birlikdə saxlanılan qadınlar da yatmırdılar, saatları sayırdılar. Çox şükür ki ailəmə qovuşdum, sənətimə də qovuşacağam. Çox sevincliyəm. Nə deyə bilərəm ki? Gələnlər var, dostlar, jurnalistlər burdadırlar. Bu dəqiqə nə baş verdiyini, hansı hissləri keçirdiyimi anlamıram.

– Buna həyatınızın ən sevincli günü deyə bilərikmi?

– Əlbəttə, bundan sevincli günüm ola bilməz. Allah cəmi dustaqlara, azadlıq arzusunda olanlara bu günü qismət etsin.

– Yəqin ki, haqqınızda yazılanlar qulağınıza çatırdı…

– Bəli, az-çox eşidirdim. Mənə böyük dəstək olduğundan xəbərdaram. Mənə dəstək olan hər kəsə təşəkkürümü bildirirəm. Ailəmə istər maddi, istər mənəvi çox dəstək oldular. Tanımadığım insanlardann dəstək gördüm.

– Bildiyimə görə, noyabr ayı üçün toylara dəvətləriniz var.

– Bəli, bacıma zəng vurub deyiblər. O da deyib ki, Fədayə çıxsın, özüylə danışın. Əslində, oxumaq üçün ürəyim də partlayır. Amma istirahət etmək də istəyirəm. Kütlə qarşısında, sevənlərim üçün oxumaq istəyirəm. Ailəmlə bir az vaxt keçirdikdən sonra səhnəyə qayıdacağam.

– Sosial şəbəkələrdə ən çox verilən bir sual var. Sevdiyiniz insanın məzarını ziyarət edəcəksinizmi?

– Mən o barədə danışmaq istəmirəm.

 

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !