Müasir İncəsənət Muzeyində gənc rəssam Nərmin Sadıqovanın Meraki adlı fərdi sərgisi açılıb - + FOTO=52 (Rüstəm Fərman - AZpress.AZ)

Müasir İncəsənət Muzeyində gənc rəssam Nərmin Sadıqovanın “Meraki” adlı fərdi sərgisi açılıb + FOTO=52 (Rüstəm Fərman - AZpress.AZ)

 Noyabrın 1-də Müasir İncəsənət Muzeyində Azərbaycan Mədəniyyət Nazirliyinin dəstəyi ilə istedadlı gənc rəssam Nərmin Sadıqovanın “Meraki” adlı fərdi sərgisi açılıb.

AZpress.AZ xəbər verir ki, muzeyin direktoru Xəyyam Abdinov sərgini açıq elan edərək bildirib ki, Nərmin Sadıqova rəssamlıq sənətində özünəməxsus yaradıcılıq üslubu, rolu və maraqlı kreativ ideyaları ilə seçilir. O, daim axtarışda olan rəssamdır. Gənc fırça ustası hər bir əsəri üzərində apardığı iş prosesində özündən bir parçanı, həyəcanını, hisslərini kətana köçürür, onlara zəruri çalarlar əlavə edərək canlandırır. Sərginin adı ilə bağlı ideya da məhz bununla bağlıdır: “Meraki” kəlməsini yunanlar yaradıcılıq prosesinə özlərindən bir parçanı –hissləri əlavə edərək ətrafda baş verənləri təsvir etmək mənasında işlədirlər.

Nərmin Sadıqova həyatının bu əlamətdar günündə onu dəstəkləməyə gələnlərə təşəkkürünü bildirib. O, sərginin uğur qazanacağına əminliyini ifadə edib.

Sonra qonaqlar portret, peyzaj, natürmort kimi müxtəlif janrlarda 30-dan çox əsərdən ibarət olan ekspozisiya ilə tanış olublar.

Sərgi noyabrın 5-dək davam edəcək.

Qeyd edək ki, Nərmin Sadıqova Azərbaycan Dövlət Rəssamlıq Akademiyasının məzunudur. İstedadlı rəssam hazırda Azərbaycan Dövlət Mədəniyyət və İncəsənət Universitetinin magistraturasında təhsil alır. Azərbaycan Rəssamlar İttifaqının üzvüdür.

Gənc rəssam Heydər Əliyev Fondunun və YARAT Müasir İncəsənət Mərkəzinin təşkil etdikləri müxtəlif sərgilərin iştirakçısı olub.

 

*************************************************************************** 
T Ə D B İ R L Ə R İ N İ Z İ N
   V  İ  D  E  O  +   F  O  T  O    
ç ə k i l i ş i 
  M E D İ A  DƏSTƏYİ

Tədbirlərinizin video-foto çəkilişini aparmaqla və media dəstəyi kimi , xəbər saytlarımızda yayımlamaq üçün
S İ F A R İ Ş L Ə R       Q Ə B U L     E D İ R İ K !
( Qiymətlər 60 azn-dən başlayır. Ödənişlərə görə vöen-qəbz və ya elektron vöen qəbz verilir.)
 
Əlaqə üçün : Telefon + WhatsApp : 050 331 1111
AZpress.AZ  informasiya agentliyi
www.azpress.az
***************************************************************************
 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !