Əqli Mülkiyyət Agentliyinin nümayəndəsi Ümumdünya Əqli Mülkiyyət Təşkilatının İnkişaf və Əqli Mülkiyyət üzrə Komitəsinin iclasında iştirak edib - (+FOTO=1)

Əqli Mülkiyyət Agentliyinin nümayəndəsi Ümumdünya Əqli Mülkiyyət Təşkilatının İnkişaf və Əqli Mülkiyyət üzrə Komitəsinin iclasında iştirak edib (+FOTO=1)

 AZpress.AZ xəbər verir ki, Əqli Mülkiyyət Agentliyinin Aparatının rəhbəri Natiq İsayevÜmumdünya Əqli Mülkiyyət Təşkilatınınİnkişaf və Əqli Mülkiyyət üzrə Komitəsinin 2019-cü il 18-22 noyabr tarixlərində İsveçrənin Cenevrə şəhərində keçirilmiş 24-cü sessiyasında iştirak etmişdir.

Sessiyada əqli mülkiyyət və inkişaf,texnologiyaların kommersiyalaşdırılması, transferi, innovasiyaların dəstəklənməsi ilə bağlı məsələlər əsas müzakirə obyekti olmuş, bu sahədə həyata keçirilən tədbirlər və nəticələri barədə məlumat verilmişdir.

Agentliyin nümayəndəsi ölkəmizin daxil olduğu Qafqaz, Mərkəzi Asiya və Şərqi Avropa ölkələri qrupunda Komitənin hazırkı sessiyasının gündəliyində duran bütün məsələlərin müzakirələrində və vahid mövqenin formalaşdırlmasında iştirak etmişdir.

Komitənin Gündəliyinin İntellektual mülkiyyət və inkişaf bölməsinin plenar iclasında çıxış edərək, dövlət başçısının dəstəyi ilə ölkəmizdə əqli mülkiyyətlə bağlı məsələlərin sistemli və uğurlu şəkldə həlli, innovativ inkişaf, texnologiyaların kommersiyalaşdırılması, transferi və innovasiyaların dəstəklənməsi sahələrində həyata keçirilən genişmiqyaslı tədbirləri diqqətə çatdırmışdır. O, həmçinin əqli mülkiyyət sahəsində vahid idarəetmə qurumu olan Əqli Mülkiyət Agentliyinin yaradılması, texnologiyaların transferi və kommersiyalaşdırılması və innovasiyaların dəstəklənməsi mərkəzlərinin yaradılması, blokçeyn texnologiyası da daxil olmaqla, rəqəmsal əqli mülkiyyət hüquqlarının qorunması və idarə edilməsi üzrə yeni sistemin qurulması, yeni rəqəmsal xidmətlərin təşkilivə görülən işlərin nəticəsi olaraq əldə olunmuş nailiyyətlər barədə geniş məlumat vermişdir.

Bununla yanaşı, N.İsayev Azərbaycan Respublikası Hökuməti ilə Ümumdünya Əqli Mülkiyyət Təşkilatı arasında imzalanmış Əməkdaşlıq haqqında Memorandum çərçivəsində reallaşdırlan layihələri və həyata keçirilən tədbirləri xüsusi vurğulayaraq, bu çərçivədə ölkəmizin universitetlərində və elmi-tədqiqat institutlarında əqli fəaliyyət nəticələrinin kommersiyalaşdırılması, texnologiyaların transferi və kommersiyalaşdırılması mərkəzlərinin və innovativ startapların yaradılması və fəaliyyətlərinin dəstəklənməsi, onların nailiyyətlərini əks etdirən sərgilərin təşkil edilməsi istiqamətlərində görülən işlər barədə məlumatları sessiya iştirakçılarının nəzərinə çatdırmışdır.

 

 

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !