İntellektual Klubların II Gənclər Kuboku -nun final mərhələsinin açılış mərasimi keçirilmişdir. -

“İntellektual Klubların II Gənclər Kuboku”-nun final mərhələsinin açılış mərasimi keçirilmişdir.

 Azərbaycan Gəncləri Günü münasibəti ilə 01 fevral 2020-ci il tarixində Gənclər Fondunun təşkilatçılığı ilə Bakı Konqres Mərkəzində “İntellektual Klubların II Gənclər Kuboku”-nun final mərhələsinin açılış mərasimi keçirilmişdir.

Yanvar ayında start verilmiş turnirdə 58 rayon və şəhərdən ümumilikdə 300 komanda arasında yarış keçirilmiş və 70 komanda final mərhələsinə vəsiqə qazanmışdır. Regional seçimlərdə ümumilikdə 2000-ə yaxın gənc iştirak etmişdir. Final mərhələsi “Nə? Harada? Nə zaman?”, “Breyn Rinq”, “Erudit Kvartet” və “Kviz” oyunları əsasında keçiriləcəkdir.

Açılışda dövlət rəsmiləri, ali təhsil müəssisələrinin rəhbərləri və gənclər təşkilatlarının nümayəndələri iştirak etmişdir. Çıxış edən rəsmilər Azərbaycan Respublikasının Prezidenti Cənab İlham Əliyevin həyata keçirdiyi gənclər siyasətindən, o cümlədən gənclər üçün yaradılan şəraitdən, gənclərə olan xüsusi diqqət və qayğısından danışmış, gənclərin intellektual səviyyəsinin artırılması yönündə görülən işləri iştirakçıların diqqətinə çatdırmışlar.

Turnirin qalibləri 2 fevral tarixində müəyyənləşəcək və bu barədə ictimaiyyətə ətraflı məlumat veriləcəkdir.

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !