Qazaxıstanda polislə kütləvi toqquşma - - 8 ölü, 40 yaralı - VİDEO

Qazaxıstanda polislə kütləvi toqquşma - 8 ölü, 40 yaralı - VİDEO

Qazaxıstanın cənub-qərbində yerləşən Jambıl vilayətinin Korday rayonunda baş verən davada səkkiz nəfər ölüb, 40 nəfər xəsarət alıb.
AZpress.AZ
APA-ya istinadla xəbər verir ki, bu barədə Qazaxıstanın Daxili İşlər naziri Yerlan Turqumbayev deyib.
Nazir bildirib ki, Qazaxıstan-Qırğızıstan sərhədinə yaxın olan Masançı kəndinin kənarında başlayan davada ilkin olaraq 70 nəfər iştirak edib, daha sonra yaxın kəndlərdən daha 300 nəfər qarşıdurmaya qoşulub.
"Hadisə yerinə polislər gəldikdən sonra əhali polislə toqquşub, nəticədə iki zabitimiz güllə yarası alıb. Onlar bina və avtomobilləri yandırıblar. Polis 47 nəfəri saxlayıb və iki ov tüfəngini müsadirə edilib", - deyə Daxili İşlər naziri qeyd edib.
Prezident Kassim-Comart Tokayev hökumətə kəndlərdə sakitliyin qorunması üçün müvafiq addımların atılması barədə göstəriş verib.
Toqquşmaların baş verdiyi ərazidə Çin etnik mənşəli müsəlman olan Dungan azlıq qrupunun bir çox üzvü yaşayır. Toqquşmanın qazaxlar və dunqanlar arasında baş verdiyi bildirilir.

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !