CinemaPlus-da Doktor Dulittlin heyrətamiz səyahəti - +FOTO=37 (M.Bəhruz- AZpress.AZ)

CinemaPlus-da “Doktor Dulittlin heyrətamiz səyahəti” +FOTO=37 (M.Bəhruz- AZpress.AZ)

 28 Mall Ticarət Mərkəzində yerləşən CinemaPlus Premium-klass Kinoteatrında “Doktor Dulittlin heyrətamiz səyahəti” macəra filminin premyeradan öncə nümayişi baş tutub.
Tədbir zamanı cəngəllik mühiti bütün kinoteatrı bürüdü. Heyvanlar və bitkilərcəngəlliyin vəhşi ruhunu təcəssüm etdiriblər. Gecədə diqqət çəkən digər məqam isə qonaqların zövq aldığı quşlarla şou proqram olub.
Filmin rejissoru Stiven Geyqandır. Filmdə Robert Dauni Jr., Tom Holland, Emma Tompson, Rami Malek, Maykl Şin, Reyf Fayns, Selena Qomes, Marion Cotilyar, Antonio Banderas, Cessi Bakli və başqaları çəkilib.
Viktoria İngiltərəsində yaşayan məşhur baytar həkim Dulittl yeddi il öncə həyat yoldaşını itirdi. Hazırda isə evinin yüksək divarlarının arxasında gizlənərək monoton həyat tərzi keçirir. Onun yeganə dostları kolleksiyasında olan ekzotik heyvanlardır. Ancaq naməlum xəstəlik gənc kraliçanın həyatına təhlükə yaratdığı zaman həkim Dulittl evini tərk etmək və əfsanəvi adaya ağlasığmaz səyahət etmək məcburiyyətindədir.
Tədbirin təşkilində kömək göstərdilər:“Light in Black” kreativ şirkəti, “Aya Rzali” və “Strafor Kəsim” dekorasiya şirkəti, Vüqar Cabbarlıdan “Ekzotik_show”, “Kolorit” kafesi, “Abşeron Sharab”, “Şeh Su” və “Red Bull”.
“CinemaPlus” hər zaman sizi kino tarixinin ən yaxşı premyeraları ilə sevindirməyə və xoşsürprizlər etməyə hazırdır.

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !