Tullantılar poliqonuna cavabdeh şəxs cəzalanıb -

Tullantılar poliqonuna cavabdeh şəxs cəzalanıb

Sumqayıt şəhəri ərazisində tüstü və iy-qoxunun yayılması ilə bağlı    Ekologiya və Təbii Sərvətlər Nazirliyinə  daxil olan məlumat Dövlət Ekoloji Təhlükəsizlik Xidmətinin  əməkdaşları tərəfindən yerində araşdırılıb.

Araşdırma zamanı şəhərin inzibati ərazisində  yerləşən məişət tullantıları poliqonunda baş verən yanğın səbəbindən ətrafa tüstü və iy-qoxunun yayıldığı məlum olub.

Poliqonda məişət tullantılarının idarə edilməsində qanunvericiliyin tələblərinin pozulduğu və tullantıların yanması hallarının qarşısının alınması üçün qabaqlayıcı tədbirlərin görülmədiyi müəyyən edilib.

Faktla bağlı poliqonun icarədarı Qəhrəman Qəhrəmanov barəsində protokol tərtib edilib və o, vəzifəli şəxs qismində 3000 manat məbləğində cərimə olunub.

Belə halların baş verməməsi  üçün cavabdeh şəxs Q.Qəhrəmanova icrası məcburi olan “məcburi göstəriş” verilib.

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !