Mərkəzi Gömrük Hospitalının invaziv kardioloqu ürək-damar xəstələrinin koronavirusdan qorunması qaydalarını açıqlyaıb - -FOTO

Mərkəzi Gömrük Hospitalının invaziv kardioloqu ürək-damar xəstələrinin koronavirusdan qorunması qaydalarını açıqlyaıb -FOTO

Bəşəriyyət koronavirus (COVID-19) kimi qlobal təhlükə ilə üzləşib və bütün dünyada bu virusla ciddi mübarizə aparılır. Mərkəzi Gömrük Hospitalının invaziv kardioloqu Samir Mustafayev bildirir ki, koronavirus infeksiyası risk qrupuna daxil olan xroniki ürək-damar xəstələrinə yoluxması ehtimalı daha yüksəkdir. Koronavirusa yoluxan xəstələrin şikayətləri əzginlik, halsızlıq, şiddətli quru öskürək,yüksək temperatur və ciddi tənginəfəslikdən olur. Yanaşı xroniki ürək-damar xəstəliyi olanlarda isə anormal təzyiq yüksəlmələri ola bilər.

Koronavirus xəstəliyinin əsas simptomlardan biri olan yüksək temperatur, orqanizimdə iltihabi vəziyyəti artırdığı üçün ürək-damar xəstəliyi olan insanlarda kəskin miokard infaktı riskini yüksəldir.Bu infeksiya nəticəsində orqanizimdə toxuma və orqanların oksigenə tələbatı artır. Oksigen ehtiyacını qarşılamaq üçün ürək daha çox işləməyə məcbur olur.

Koronavirusa yoluxan urək-damar xəstələrində yaranan yüksək temperatur və su itkisi ürək vurğularının sayının artmasına və arterial təzyiq oynamalarına səbəb olur. Nəticədə ürək-damar xəstəliyi olan və ya olma ehtimalı olan xəstələrdə ciddi fəsadlara səbəb olur. Dünyada bu xəstəliyə tutulan xəstələrin əksəriyyətində simptomlar yüngül olsa da, çox təəssüf ki, yaşlı və xronikiürək-damar xəstəliyi olan insanlarda bu xəstəlik yüngül keçmir.

Bütün bunları göz önünə gətirərək, risk qrupunda olan bütün xəstələr özlərini yaxşı qorumalı, öz sağlamlıqlarına hər zamankından daha diqqətli yanaşmalıdırlar. Ürək-damar xəstələri və digər xroniki xəstəlikləri olan insanlar koronavirus pandemiyası dövründə nəyə diqqət etməlidirlər?

1. Evdə qalmalıdırlar. Evdən çıxmağa məcbur qaldıqda isə qoruyucu maska, eynək taxmalı, insanların çox olduğu yerlərdən mümkün qədər uzaq durmalı və digər insanlar arasında ən azı 2 metr məsafə saxlamalıdırlar.Maskanın burun, ağız və çənəni örtən hissəsinə heç bir zaman toxunulmamalıdır. Təsadüfən toxunularsa, əllər ən azı 20 saniyə su və sabunla yuyulmalı və ya spirt tərkibli məhlulla dezinfeksiya olunmalıdır. Maska istifadə zamanı çirklənib, nəmlənib və ya cırılıbsa, mütləq yenisi ilə dəyişdirilməlidir. Tibbi maskalar qətiyyən ortaq istifadə edilməməlidir.

2. Şəxsi gigiyena qaydalarına ciddi riayət etməlidirlər. Əlləri tez-tez maye sabunla ən azı 20 saniyə yumalı və spirt tərkibli məhlulla dezinfeksiya etməlidirlər.

3. Evi gündə ən azı 3 dəfə havalandırmaq lazımdır.
4. Evdən çıxmağa məcbur qaldıqda,evə dönərkən paltarların 60-90 dərəcə temperaturda yuyulması tövsiyyə olunur.Üst paltarları bir gün balkonda saxlayaraq havalandırmaq lazımdır.
5. Stresdən mümkün qədər uzaq durmaq, sadə idman hərəkətləri etmək məsləhətdir.
6. Normal yuxu rejiminə əməl etmək önəmlidir.
7. Bol su içməli və təbii qidalara üstünlük vermək tövsiyyə olunur.
8. Mütəmadi olaraq həkiminizlə əlaqə saxlayın. Həkiminizin təyin etdiyi dərman preparatlarını düzgün və vaxtında qəbul edilməlidir.
9. Ciddi zəruriyyət yaranmadıqca, xəstəxanalara müraciət edilməsi məsləhət görülmür.

Bu qaydalara ciddi riayət etməklə xroniki ürək-damar xəstəliyi olan insanlar özlərini koronavirus (COVID-19)-dan qoruya bilərlər.
 

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !