Bank BTB Elektron Kommersiya ilə məşğul olan sahibkar şəxslərə dəstək olur. -

Bank BTB Elektron Kommersiya ilə məşğul olan sahibkar şəxslərə dəstək olur.

 Ölkəmizdə Koronavirus Pandemiyası nəticəsində tətbiq olunan karantin rejimi bir çox alış-veriş obyektlərinin, mağazaların məsafədən (onlayn) xidmət göstərməsini tələb edir. Mövcud vəziyyətdə sahibkarlar mal və xidmətlərin satılmasında, potensial müştərilərin qazanılmasında yeni təkliflərə, alternativ xidmət üsullarına maraqlıdırlar. Bunu nəzərə alaraq, Bank BTB Elektron Kommersiya (e-commerce) ilə məşğul olan sahibkar şəxslər üçün əməkdaşlıq təklif edir.  

Belə ki, onlayn ticarətlə məşğul olan sahibkarlar və ya biznesini bu sahədə qurmağı düşünən şəxslər Elektron Ticarət (e-commerce) xidmətinə tamamilə pulsuz şəkildə qoşula biləcəklər. İlk olaraq, bu xidmətə qoşulan şəxslərin idarə etdikləri sayt və ya mobil tətbiqində plastik kartla ödəmə imkanı yaradılacaq. Bununla da, sayta daxil olmuş müştəri seçdiyi məhsulun dəyərini asanlıqla ödəmək imkanı əldə edəcəkdir. Sayt vasitəsilə ödəniş zamanı ödənilən məbləğ sahibkarın hesabına mədaxil olunur.

Onu da qeyd edək ki, daxil olan vəsaitin sahibkarın “Boss Card” biznes kartına köçürülməsi mümkündür. Bu kartlar bankın biznes müştərilərinə 36 ay müddətinə tam ödənişsiz təqdim olunur.

Həmçinin, xidmətdən faydalanan ticarət sahibləri Bank BTB-nin əməkdaşları  tərəfindən xidmətin aktivləşdirilməsi, ödənişsiz konsultasiya, 7/24 internet bankçılıq və  digər xidmətlərdən istifadə edə biləcəklər.

Bunlarla yanaşı, gələcəkdə e-commerce, POS və digər dövriyyələrə uyğun sahibkarlara fərdi qaydada kredit limitləri də ayrıla bilər.

Onlayn ticarətin əhəmiyyətinin artdığı bir zamanda öz satışını artırmaq istəyən, ticarətini böyütmək istəyən hər kəs ödənişsiz təklif olunan e-commerce xidmətlərindən aşağıdakı kanallar vasitəsilə ətraflı məlumat almaqla qoşula bilər. Bunun üçün Bank BTB-nin onlayn müraciət kanalları olan Facebook (www.facebook.com/bankbtb) və Instagram (www.instagram.com/bankbtb/) səhifələrinə, eləcə də 055 3000 946 WhatsApp (https://wa.me/994553000946)  nömrəsinə müraciət edə bilərlər. Həmçinin, bu və digər məhsul və kampaniyalarımız haqqında (012) 946 nömrəli Məlumat mərkəzindən və www.btb.az rəsmi saytından məlumat əldə edə bilərsiniz.

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !