Mərkəzi Gömrük Hospitalında PZR laboratoriyası fəaliyyətə başlayıb - - FOTO

Mərkəzi Gömrük Hospitalında PZR laboratoriyası fəaliyyətə başlayıb - FOTO

Mərkəzi Gömrük Hospitalında laborator müayinə imkanları genişləndirilərək yeni müasir PZR laboratoriyası fəaliyyətə başlayıb. Hospitalda müasir Real vaxtlı PZR (Real-Time PCR) laboratoriyası Ümumdünya Səhiyyə Təşkilatının təsnifatına əsasən bioloji təhlükəsizlik (BSL2 / BSL2+) standartlarına tam cavab verir.

Laboratoriya müasir avtomatik MagNAPure 24 Rocheekstraktorcihazı ilə təchiz edilib ki, bu sistem 1 saat ərzində 24 nümunə əldə etməyə imkan verir. Real vaxtlı PZR müayinəsinin aparılması üçün burada qabaqcıl avtomatik Real-TimeBio-Rad CFX96 Touch cihazı quraşdılırmışdır. Sentrifuqalar, avtomatik dispenserlər, yoluxucu materialların toplanması və daşınması üçün konteynerlər, dezinfeksiyaedici maddələr və fərdi qoruyucu vasitələr laboratoriyada iş axınının təhlükəsizliyini tam olaraq təmin edir.

Laboratoriyanın müasir havalanma sisteminin yüksək keyfiyyətli hepafiltrlərlə təchiz edilməsi iş prosesində havada mikrohissəciklərin olmamasını və tədqiq olunan materialın çirklənməməsini təmin edir. Laboratoriyada tibbi tullantıların utilizasiyası milli və beynəlxalq qaydalara uyğun tənzimlənir.

Hazırda bu laboratoriyanın fəaliyyəti ölkəmizdə SARS-CoV-2 virusuna yoluxması ehtimalı olan insanların Real-Time PZR testlərindən keçirilməsi prosesinə kömək edilməsinə yönəldilib.
 

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !