Bu ilin ilk 6 ayında Texniki Şuralar vasitəsilə 886 müraciətə baxılıb -

Bu ilin ilk 6 ayında Texniki Şuralar vasitəsilə 886 müraciətə baxılıb

2020-ci ilin II rübü ərzində Energetika Nazirliyinin tabeliyində olan Enerji Məsələlərini Tənzimləmə Agentliyi tərəfindən sahibkarlıq obyektlərinin elektrik şəbəkəsinə qoşulması ilə bağlı “ASAN xidmət” və “ASAN Kommunal” mərkəzlərində fəaliyyət göstərən Texniki Şuralar vasitəsilə 367 müraciətə baxılıb.
Ümumilikdə isə 6 ay ərzində Texniki Şuralar tərəfindən 886 müraciət qəbul edilib. Bunlardan 885-nin icrası təmin edilib, 1 müraciət isə təqdim edilmiş sənədlərdəki uyğunsuzluqlar səbəbindən baxılmamış saxlanılıb.

Bu dövrdə sifarişçilər tərəfindən “ASAN xidmət” və “ASAN Kommunal” mərkəzlərinə edilmiş müraciətlərlə bağlı yaranmış şikayətlər Enerji Tənzimləmə və Monitorinq Departamenti tərəfindən müvafiq qaydada həll edilərək sahibkarların məmnunluğu təmin edilib.

Qeyd edək ki, hazırda “ASAN xidmət” və “ASAN Kommunal” mərkəzlərində 12 Texniki Şura fəaliyyət göstərir.

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !