Birinci yarımildə ölkədə elektrik enerjisi istehsalı artıb - - FOTO

Birinci yarımildə ölkədə elektrik enerjisi istehsalı artıb - FOTO

2020-ci ilin yanvar-iyun ayları üzrə elektrik enerjisinə dair operativ məlumatlara əsasən, iyun ayında respublika üzrə elektrik enerjisinin istehsalı 2153,7 mln. kVt·st, ixracı 98,8 mln. kVt·st, idxalı 9,3 mln. kVt·st olub. 2019-cu ilin müvafiq dövrü ilə müqayisədə iyun ayında respublika üzrə elektrik enerjisinin istehsalı 14,1 mln. kVt·st, ixrac 61,5 mln. kVt·st artıb, idxal isə 9,9 mln. kVt·st azalıb.

Cari  ilin yanvar-iyun aylarında isə respublikada elektrik enerjisinin istehsalı ötən ilin müvafiq dövrü ilə müqayisədə 65,2 mln.kVt·st artaraq 12950,2 mln. kVt·st olub.

Hesabat dövründə ötən ilin 6 ayına nisbətən elektrik enerjisinin istehsalı İES-lərdə 27,8 mln. kVt·st artaraq 12084,0 mln. kVt·st, SES-lərdə 199,9 mln. kVt·st azalaraq 680,3 mln. kVt·st, digər mənbələr (KES, GES və BMTYZ) üzrə isə 0,4 mln. kVt·st azalaraq 185,9 mln. kVt·st olub. Külək  Elektrik Stansiyalarında 54,8 mln. kVt·st, Günəş Elektrik Stansiyalarında 23,0 mln. kVt·st, Bərk Məişət Tullantılarının Yandırılması Zavodunda 108,1 mln. kVt·st elektrik enerjisi istehsal edilib.

Birinci yarımildə elektrik enerjisinin istehsalı “Azərenerji” ASC üzrə 11571,3 mln. kV·ts (İES-lərdə 11002,6 mln. kVt·st, SES-lərdə 568,47 mln. kVt·st), Naxçıvan MR Dövlət Energetika Xidməti üzrə 195,4 mln. kV·st (İES-lərdə 75,8 mln. kVt·st, SES-lərdə 99,8 mln. kVt·st, Günəş ES-də 19,8 mln. kVt·st), Müstəqil Elektrik Stansiyaları üzrə 1134,6 mln. kVt·st təşkil edib.

Bu dövrdə elektrik enerjisinin ixracı 621,1 mln. kVt·st olmaqla, 2019-cu ilin müvafiq dövrü ilə müqayisədə 52,2 mln. kVt·st, idxalı isə 71,5 mln. kVt·st olmaqla, ötən ilin müvafiq dövrünə nisbətən 8,8 mln. kVt·st azalıb.
 

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !