Şimali Qafqazın türk xalqları: etnik tarixləri və mədəniyyətləri mövzusunda onlayn elmi seminar keçirilib - - FOTO

“Şimali Qafqazın türk xalqları: etnik tarixləri və mədəniyyətləri” mövzusunda onlayn elmi seminar keçirilib - FOTO

İyulun 22-də Bakı Dövlət Universitetinin (BDU) Tarix fakültəsinin təşkilatçılğı ilə, xarici qonaqların da iştirak etdiyi “Şimali Qafqazın türk xalqları: etnik tarixləri və mədəniyyətləri” mövzusunda onlayn elmi seminar keçirilib.

Seminar iştirakçılarını salamlayan BDU-nun Elmi fəaliyyətin təşkili və innovasiyalar Mərkəzinin direktoru Məmməd Rəcəbov informasiya-kommunikasiya texnologiyalarının üstünlüklərindən istifadə edərək onlayn platformada yeni bilik, təcrübə və imkanlar qazanmağın əhəmiyyətindən bəhs edib.

Tarix fakültəsinin elmi işlər üzrə dekan müavini Kəmalə Nəcəfovanın moderatorluğu ilə keçən seminarda çıxışlar dinlənilib, müzakirələr aparılıb.

Daha sonra Tarix fakültəsinin Arxeologiya və etnoqrafiya kafedrasının müdiri, dosent Kərəm Məmmədov “Şimali Qafqazın türk xalqları: etnik tarixləri və mədəniyyətləri” mövzusunda məruzə ilə çıxış edib. Çıxışda Türk xalqlarının etnoqrafiya və antropologiyası, Qafqazın türk xalqlarının etnoqrafik-antropoloji cəhətləri, Şimali Qafqazın aborigen türkləri - kumıklar, qaraçay və balkarlar, noqayların mədəniyyəti, adət-ənənələri, linqvistik bölgü ilə bağlı geniş məlumat verilib.

Rusiya Federasiyasının Humanitar Tədqiqatlar İnstitunun balkar ədəbiyyatı şöbəsinin aparıcı elmi işçisi, Rusiya Federasiyası Yazıçılar İttifaqının və Rusiya Federasiyası Jurnalistlər İttifaqının üzvü Tamara Bittirova, Rusiya Federasiyası Yazıçılar İttifaqının və Rusiya Federasiyası Jurnalistlər İttifaqının üzvü Baqautdin Acamatov, Həştərxan Dövlət Universitetinin Rusiya tarixi kafedrasının doktorantı Ramil Şmuxambetov, Tarix fakültəsinin Tədris Metodiki Şurasının sədri Mehman Abdullayev, Qafqaz xalqları tarixi kafedrasının müdiri, professor İradə Hüseynova məruzə ilə bağlı fikirlərini səsləndiriblər, Türk xalqlarının tarixindəki ortaq problemlər, əlaqələrin davam etdirilməsi, müştərək elmi tədqiqatların aparılması barədə müzakirələr aparıblar.

“Microsoft Teams” platforması üzərindən təşkil olunmuş elmi seminar iştirakçıların böyük marağına səbəb olub.

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !