AzTU ilə Sənaye və İnnovasiyalar üzrə BDPTM arasında anlaşma memorandumu imzalandı - - FOTO

AzTU ilə Sənaye və İnnovasiyalar üzrə BDPTM arasında anlaşma memorandumu imzalandı - FOTO

Azərbaycan Texniki Universiteti (AzTU) ilə Sənaye və İnnovasiyalar üzrə Bakı Dövlət Peşə Təhsil Mərkəzi (BDPTM) arasında anlaşma memorandumu imzalanıb.



Memorandumu AzTU-nun rektoru Vilayət Vəliyev və mərkəzin direktoru Rəşad Xanlarov imzalayıb. Sənədə əsasən, tərəflər müxtəlif ixtisaslar üzrə tədris planı və proqramlarının hazırlanması, kadr hazırlığının təşkili, AzTU-nun mütəxəssislərinin mərkəzdə tədris prosesinə cəlb edilməsi və digər istiqamətlər üzrə əməkdaşlıq edəcək.



İmzalanmadan sonra mərkəzin rəhbərliyi AzTU-nun müxtəlif laboratoriyalarının və kitabxanasının fəaliyyəti ilə tanış olub, Milli Qəhrəmanlar muzeyini ziyarət edib.



Xatırladaq ki, Sənaye və İnnovasiyalar üzrə BDPTM-də 9 ixtisas üzrə tədris aparılır. Mərkəz 30-dan çox yerli və xarici şirkətlə əməkdaşlıq edir. Cari ildən  mərkəzdə nəqliyyat və informasiya sahələri üzrə üçillik kurslar açılıb. Bu kursları bitirən məzunlar subbakalavr dərəcəsi ilə AzTU-da və digər ali məktəblərdə təhsil almaq imkanı əldə edir.

 
 ( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır ) 
 Bütün hüquqlar qorunur ! Xəbərlərdən istifadə edərkən    www.AZpress.AZ    saytına istinad zəruridir !