"Mançester Siti" yeddi futbolçusuna yayda klubu tərk etməli olduqlarını bildirib

"Mançester Siti"nin 7 əsas oyunçusuna klubdan məlumat verilib ki, onlar mövsümün sonunda yeni iş yerləri axtarmalı olacaqlar.

Futbolçular yay transfer pəncərəsinin ilk günlərində komandalarını dəyişməli olacaqlar.

Müvafiq bildirişləri qapıçı Ederson, müdafiəçi Con Stounz, eləcə də yarımmüdafiəçilər Mateo Kovaçiç, İlkay Gündoğan, Bernardo Silva, Cek Qriliş və Kevin de Bruyne alıb.

Bildirilir ki, “Mançester Siti”nin baş məşqçisi Xosep Qvardiola komandada yer açmağı və onun fikrincə, daha yaxşı səviyyəsinə qayıda bilməyəcək bütün oyunçuları sıradan çıxarmağı planlaşdırır.