Azərbaycan batutçusu Dünya Kubokunun yarımfinalına yüksəlib

Azərbaycanın batut üzrə yığmasının üzvü Seljan Maxsudova hazırda Bakıda keçirilən Dünya Kubokunda yarımfinala yüksəlib.

Milli Gimnastika Arenasında start götürən yarışın ilk günündə idmançı 55.000 xal toplayaraq, 21 gimnast arasında beşinci yeri tutub.

Bu yarışda ən çox xal toplayan ilk 8 idmançı yarımfinala yüksəlib.

Azərbaycan komandasının digər üzvü Şəfiqə Hümbətova (46,890 xal) 18-ci yeri tutub.

Bu gün həmçinin kişilər və qadınlar arasında akrobatika üzrə təsnifat yarışları keçiriləcək.

Xatırladaq ki, dünya çempionatına fevralın 23-də yekun vurulacaq.