Bolqarıstanın Strandja şəhərində Azərbaycan boksçularının 1/4 finaldakı rəqibləri müəyyənləşib

Azərbaycan boksçuları Sofiyada (Bolqarıstan) keçirilən beynəlxalq Strandja turnirində 1/4 finala yüksəliblər.

Mirşərif Kazımzadə (75 kq) irlandiyalı Qavin Rafferti ilə döyüşüb.

Döyüş boksçumuzun 5:0 (30:27, 29:28, 29:28, 30:27, 29:27) hesablı qələbəsi ilə başa çatıb.

1/4 finalda M.Kazımzadə Özbəkistan təmsilçisi Cavoxir Ummatəliyevlə görüşəcək.

1/8 finalda Sərxan Əliyev (71 kq) Gürcüstan təmsilçisi Əsgərxan Mədiyevlə qarşılaşmalı olsa da, rəqibi döyüşə çıxmayıb. Boksçumuz növbəti döyüşünü Farux Toxtasunovla (Qazaxıstan) keçirəcək.

Xatırladaq ki, turnirə martın 2-də yekun vurulacaq.