"Fənərbaxça" və "Qalatasaray"ın baş məşqçiləri diskvalifikasiya edilib

Türkiyə Futbol Federasiyasının İntizam Komitəsi "Qalatasaray"ın baş məşqçisi Okan Buruku 1, "Fənərbağça"nın baş məşqçisi Joze Mourinyonu isə 4 oyunluq cəzalandırıb.

Hər iki məşqçi ölkə çempionatının 24-cü turunda “Rams Park” stadionunda keçirilən İstanbul derbisindəki davranışlarına görə diskvalifikasiya olunub.

Okan Buruk oyunsonrası mətbuat konfransında səsləndirdiyi qeyri-etik ifadələrə görə, Joze Mourinyo isə final fitindən sonra hakimlərin soyunub-geyinmə otağına daxil olaraq kobud ifadələr işlətdiyi üçün cəzalandırılıb.

“Fənərbağça”nın növbəti iki səfər matçını azarkeşsiz keçirməsi də qərara alınıb.

"Qalatasaray" - "Fənərbağça" matçı qolsuz başa çatıb.