Xətai Sənət Mərkəzində dörd rəssamın əsəri nümayiş olunur

Azərbaycan Rəssamlar İttifaqının üzvləri-Əbdüləmi Əliyev, Süleyman Hüseynov, Əmrah Mədətov  və Sabbar Manafov  son bir il ərzində Abşeronunun müxtəlif guşələrində silsilə plenerlərdə etdikləri etüdlərdən ibarət sərgi 3 mart tarixinda Xətai Sənət Mərkəzində açıldı.
Sərgi Azərbaycan Rəssamlar İttifaqının dəstəyi, Xətai Sənət Mərkəzinin təşəbbüsü və təşkilatçlığı ilə baş tutdu və 2025 ci il 3-4-5 mart tarixlərində sərgi izləyicilərin üzünə açıq olacaq. Sərgini Xətai Sənət Mərkəzinin direktoru Zahid Əvəzov açdı. Söz alan  Azərbaycan Rəssamlar İttifaqının sədr müavini, Xalq Rəssamı, Professor Ağaəli İbrahimov, rəssam Nəvai Mətin, İctimai Xadim Salman Əliyev öz ürək sözlərini bölüşdülər. Məqsəd rəssamlarımızı plenerə çıxmağa təşfiq etmək, həmçinin, təsviri sənət həvəskarlarına təbiətin canlı rənglərini  rəsm əsərlərində göstərməkdir. Həmçinin,sərgidə rəssamın  özündən əsər əldə etmək olar. Sənətsevərləri sərgini seyr etməyə dəvət edirik. Giriş sərbəstdir.

Fotolar Mahir Əhmədova məxsusdur