Kişi cüdoçuların ölkədaxili yarısı keçirilib 

Fövqəladə Hallar Nazirliyinin Hövsan qəsəbəsində yerləşən İdman Sağlamlıq Mərkəzində kişi cüdoçular arasında ölkədaxili Liqa yarısının birinci mərhələsi keçirilib. Turnirdə ölkənin müxtəlif bölgələrindən olan 37 klubu təmsil edən 209 tatami ustası medallar uğrunda 7 çəki dərəcəsində mübarizə aparıb.

Bütün görüşlərini qələbə ilə başa vuran Babarəhim Mirzəyev (60 kq, Qobustan), Tofiq Məmmədov (66 kq, FHN), İbrahim Əliyev (73 kq, Cüdo klubu 2012), Roman Qarayev (81 kq, Qəbələ, Bakı), Məmmədrza Hacızadə (90 kq, Cüdo klubu 2012), Elmar Qasımov (100 kq, Atilla İK), Camal Feyziyev (+100 kq, Neftçi İK) yarışın qalibi adını qazanıb.

Qeyd edək ki, il boy üç dəfə keçirilməsi nəzərdə tutulan Liqa yarısının daha iki mərhələsi keçiriləcək.

İNTİQAM Məmmədov