Zidan Hümbətov "Adriatik İncisi"nin qalibidir 

Montoneqronun Budva şəhərində gənclər arasında boks üzrə keçirilən və Azərbaycan komandasının da 7 (3 oqlan və 4 qız) idmançı ilə təmsil olunduğu Dünya Kuboku səviyyəli "Adriatik İncisi" turniri bu gün baş tutan həlledici final görüşləri ilə başa çatıb. Final döyüşlərindən biri yığmamızın üzvü Zidan Hümbətovun (54 kq) iştirakı ilə keçib. Qazaxıstanlı Aldiyar Bahadurla döyüşdən 4:1 hesablı qələbə ilə ayrılan boksçumuz sözügedən turnirin qalibi adını qazanıb. Ondan əvvəl isə, boksçu qızlarımızdan Banuçiçək Nəsirli (48 kq), Özləm Həsənova (60 kq) və İlkanə Əhmədova (+81 kq) çıxışını üçüncü yerdə bitirməklə bürünc medal qazanıb. 

İNTİQAM Məmmədov