Kişi həndbol millimiz Moldovaya uduzub

Bu gün Bolqarıstanın Varna şəhərində inkişaf etməkdə olan ölkələrin həndbol üzrə çempionatına start verilib. Turnirin B qrupunda yer alan Azərbaycan millisi ilk matçını Moldovaya qarşı keçirib. Görüş 21:33 (ilk yarı 8:14) hesabla rəqibin xeyrinə bitib. Millimiz təqvim üzrə növbəti oyunlarını Nigeriya (12 mart) və ABŞ-a (13 mart) qarşı keçirəcək. 

Yeri gəlmişkən, turnirin A qrupunda isə Bolqarıstan, Kipr, Böyük Britaniya və Paraqvay cəmləşib.

Xatırladaq ki, 2023-cu ildə keçirilən analoji yarışda Azərbaycan yer aldığı qrupda Bolqarıstan, Nigeriya və Qvatemalaya məğlub olub.

İNTİQAM Məmmədov