Qadınların radioda yayımı qadağan edildi
Radikal Taliban hərəkatının yaratdığı Əfqanıstan hökumətinin rəsmiləri Qəndəhar əyalətində qadınların səsinin radioda eşidilməsinə qadağa qoyub.
Bu barədə Əfqanıstan Jurnalistlər Mərkəzi (AFJC) hakimiyyət orqanlarının bəyanatına əsasən məlumat yayıb.
AFJC əldə etdiyi sənəddən sitat gətirir: "Radioda qadın səslərinin istifadəsi və əyləncə proqramları zamanı qadın mesajlarının dərci qəti qadağandır".
Qeyd olunur ki, sənəddə bütün radiostansiya işçilərinin əyalətlərdə reportajlar hazırlamaq üçün yerli hakimiyyət orqanlarından xüsusi icazə alması tələbi də var.
Qəndəhar Hilmənddən sonra Taliban hərəkatının qadınların səsinin radio verilişlərində çıxışını tamamilə qadağan etdiyi ikinci Əfqanıstan əyaləti oldu.
